pak terror attack हल्ला चीनी उद्योजकांना घाबरवण्यासाठी: पाक PM

कराची :

चीनच्या दूतावासावरील हल्ल्यामागे दोन्ही देशांमध्ये अलीकडेच झालेले औद्योगिक कराराचे कारण असल्याचे विधान पाकिस्तानचे पंतप्रधान इम्रान खान यांनी केले आहे. या महिन्याच्या सुरुवातीलाच पाकिस्तान आणि चीनमध्ये उद्योगांसंबंधी सामंजस्य करार झाले होते. त्यामुळेच चीनच्या उद्योजकांना घाबरवण्यासाठी आणि CPEC कमकुवत करण्यासाठी हा हल्ला केला गेल्याचे खान यांनी म्हटले आहे. अतिरेक्यांचे मनसुबे पूर्ण होणार नाहीत, असेही ते म्हणाले.

पंतप्रधान खान यांनी या हल्ल्यानंतर टि्वट केले आहे. त्यात ते म्हणतात, 'चीनी दूतावासावर केलेला हल्ला माझ्या चीन दौऱ्यादरम्यान झालेल्या औद्योगिक सामंजस्य करारांवरील प्रतिक्रीया होती, हे स्पष्ट आहे.' पाकिस्तान आणि चीनच्या आर्थिक आणि सामरिक सहकार्याविरोधात केलेला हा कट आहे, असेही खान म्हणाले.



पाकिस्तानातील खैबर पख्तुनख्वा प्रांतातल्या एका गजबजलेल्या बाजारात एका मदरशाजवळ आज शुक्रवारी एक शक्तिशाली स्फोट झाला. यात ३० जण ठार तर ४० हून अधिक नागरिक जखमी झाले आहेत. तत्पूर्वी सकाळी चीनी दूतावासाजवळ स्फोट झाला. त्यात दोन पोलिसांसह ७ जण ठार झाले.