वृत्तसंस्था, पॅरिस
आपल्या सौरमालेच्या बाहेर जीवाचे अस्तित्व शक्य आहे का, याचा शोध घेणाऱ्या शास्त्रज्ञांच्या आंतरराष्ट्रीय पथकाला जीवसृष्टीस अनुकूल असलेल्या आणि पृथ्वीशी साधर्म्य सांगणाऱ्या तीन ग्रहांचा शोध लागला आहे. आपल्या सौरमालेपासून केवळ ३९ प्रकाशवर्षे दूर असलेल्या एका अतिशीत बटुताऱ्याच्या भोवती हे तीन ग्रह परिभ्रमण करत असून आकार व तापमान या दोहोंच्या बाबतीत ते पृथ्वी आणि शुक्र यांच्यासारखे आहेत. ‘नेचर’ या ख्यातनाम नियतकालिकाने हे संशोधन प्रसिद्ध केले आहे.
आपल्या सौरमालेच्या बाहेर जीवसृष्टीच्या अस्तित्वाचे रासायनिक पुरावे शोधण्याची ही पहिली संधी आहे, या शब्दांत या संशोधकांच्या चमूचे प्रमुख आणि बेल्जियममधील लीज विद्यापीठाचे खगोल-भोतिकी तज्ज्ञ मायकल गिलॉन यांनी या संशोधनाचे वर्णन केले.
असे आहेत हे तीन ग्रह
> पृथ्वीएवढाच आकार, पृथ्वीसारख्याच तापमानामुळे द्रवरूपात पाणी आणि जीवसृष्टीच्या अस्तित्वासाठी अनुकूलता आणि सध्या हाती असलेल्या तंत्रज्ञानाच्या साह्याने तेथील वातावरणाचा अभ्यास शक्य होईल असे जवळचे अंतर या तीन कारणांमुळे हे ग्रह महत्त्वाचे
> चिलीमध्ये स्थापलेल्या ट्रॅपिस्ट (TRAPPIST) या दुर्बिणीच्या साह्याने जधनभर बटुताऱ्यांचा वेध घेऊन आता ‘ट्रॅपिस्ट१’ असे नामकरण झालेल्या या एका अतिशीत ताऱ्यावर लक्ष केंद्रीत केले. त्यावेळी त्याच्याभोवती परिभ्रमण करणाऱ्या तीन ग्रहांचा शोध लागला.
> पहिले दोन ग्रह अनुक्रमे १.५ आणि २.४ दिवसांत तर तिसरा ग्रह ४ ते ७३ दिवसांत ताऱ्याची प्रदक्षिणा पूर्ण करतो.
आपल्या सौरमालेच्या बाहेर जीवाचे अस्तित्व शक्य आहे का, याचा शोध घेणाऱ्या शास्त्रज्ञांच्या आंतरराष्ट्रीय पथकाला जीवसृष्टीस अनुकूल असलेल्या आणि पृथ्वीशी साधर्म्य सांगणाऱ्या तीन ग्रहांचा शोध लागला आहे. आपल्या सौरमालेपासून केवळ ३९ प्रकाशवर्षे दूर असलेल्या एका अतिशीत बटुताऱ्याच्या भोवती हे तीन ग्रह परिभ्रमण करत असून आकार व तापमान या दोहोंच्या बाबतीत ते पृथ्वी आणि शुक्र यांच्यासारखे आहेत. ‘नेचर’ या ख्यातनाम नियतकालिकाने हे संशोधन प्रसिद्ध केले आहे.
आपल्या सौरमालेच्या बाहेर जीवसृष्टीच्या अस्तित्वाचे रासायनिक पुरावे शोधण्याची ही पहिली संधी आहे, या शब्दांत या संशोधकांच्या चमूचे प्रमुख आणि बेल्जियममधील लीज विद्यापीठाचे खगोल-भोतिकी तज्ज्ञ मायकल गिलॉन यांनी या संशोधनाचे वर्णन केले.
असे आहेत हे तीन ग्रह
> पृथ्वीएवढाच आकार, पृथ्वीसारख्याच तापमानामुळे द्रवरूपात पाणी आणि जीवसृष्टीच्या अस्तित्वासाठी अनुकूलता आणि सध्या हाती असलेल्या तंत्रज्ञानाच्या साह्याने तेथील वातावरणाचा अभ्यास शक्य होईल असे जवळचे अंतर या तीन कारणांमुळे हे ग्रह महत्त्वाचे
> चिलीमध्ये स्थापलेल्या ट्रॅपिस्ट (TRAPPIST) या दुर्बिणीच्या साह्याने जधनभर बटुताऱ्यांचा वेध घेऊन आता ‘ट्रॅपिस्ट१’ असे नामकरण झालेल्या या एका अतिशीत ताऱ्यावर लक्ष केंद्रीत केले. त्यावेळी त्याच्याभोवती परिभ्रमण करणाऱ्या तीन ग्रहांचा शोध लागला.
> पहिले दोन ग्रह अनुक्रमे १.५ आणि २.४ दिवसांत तर तिसरा ग्रह ४ ते ७३ दिवसांत ताऱ्याची प्रदक्षिणा पूर्ण करतो.