कोची : बलात्काराचा आरोप असलेल्या फादरसह तिघांचा अटकपूर्व जामीन अर्ज केरळ उच्च न्यायालयाने बुधवारी फेटाळला. या तिघांविरुद्धचे आरोप गंभीर असल्याने त्यांना जामीन दिल्यास तपासावर परिणाम होऊ शकतो असे न्यायालयाने म्हटले आहे. अब्राहम वर्गिस उर्फ सोनी, जॉब मॅथ्यू आणि जैसे के जॉर्ज या तीन फादरविरुद्ध एका महिलेच्या पतीने बलात्काराची पोलिसांत तक्रार दिली आहे. आपल्याविरुद्ध राजकीय हेतूने आरोप करण्यात आल्याचा दावा या तिघांनी जामीनासाठीच्या अर्जात केला होता. संबंधित महिलेने चर्चमध्ये 'कन्फेशन'दिले होते. त्यावरून तिला ब्लॅकमेल करून चर्चमधील पाच धर्मगुरूंनी तिचा लैंगिक छळ केल्याचा आरोप या महिलेच्या पतीने पोलिसांत दिलेल्या तक्रारीत केला होता. यानंतर या महिलेचा जबाब नोंदविण्यात आला. ही सर्व कागदपत्रे आज न्यायालयासमोर ठेवण्यात आली. त्यानंतर न्यायालयाने या चौघांनाही जामीन नाकारला.
फादरसह तिघांना अटकपूर्व जामीन फेटाळला
बलात्काराचा आरोप असलेल्या फादरसह तिघांचा अटकपूर्व जामीन अर्ज केरळ उच्च न्यायालयाने बुधवारी फेटाळला...
Maharashtra Times 12 Jul 2018, 4:00 am