कोची : थ्रिसूर जिल्ह्यात झालेल्या एका अपघातात महाविद्यालयीन तरुणी हनन (वय २१) सोमवारी जखमी झाल्याचे पोलिसांनी सांगितले. अभ्यासासाठी मासे विक्रीतून पैसे जमा करण्यावरून तिला ट्रोल केले गेले होते. तिच्या कारला झालेल्या अपघातात ती जखमी झाली आहे. कोडुंगल्लूरजवळील कोठपरंबू येथील एका वीजेच्या खांबाला जाऊन कार धडकली. त्या वेळी ती एका सादरीकरणाहून परत येत होती. सूत्रांच्या सांगण्यानुसार, तिला लगेचच एका खासगी रुग्णालयात नेण्यात आले. इडुक्की तालुक्यातील थोडुपुझा येथील खासगी महाविद्यालयातील विज्ञान शाखेची ती विद्यार्थिनी आहे. 'मल्याळम् डेली'मध्ये तिच्या संघर्षाविषयी छापून आल्यानंतर तिची कथा चांगलीच 'व्हायरल' झाली. सोशल मीडियावरील काहींनी मात्र तिच्या संघर्षावर शंका उपस्थित केली असून, सांगण्यात आलेला तिचा संघर्ष खोटा असल्याचे म्हटले आहे. मुख्यमंत्री आपत्कालीन मदत निधीसाठी कोचीतील महाविद्यालयीन हननने दीड लाख रुपये दिले आहेत.
ट्रोल झालेली हनन जखमी
थ्रिसूर जिल्ह्यात झालेल्या एका अपघातात महाविद्यालयीन तरुणी हनन (वय २१) सोमवारी जखमी झाल्याचे पोलिसांनी सांगितले...
PTI 4 Sep 2018, 4:00 am