वृत्तसंस्था, हेलसिंकी
टोकाचे तणावपूर्ण असणारे द्विपक्षीय संबंध पूर्ववत करण्याच्या निश्चयासह अमेरिकेचे अध्यक्ष डोनाल्ड ट्रम्प आणि रशियाचे अध्यक्ष व्लादीमीर पुतीन यांच्यातील ऐतिहासिक शिखर परिषदेला सोमवारी सुरुवात झाली.
रशियाने युक्रेनच्या द्विपकल्पावर घेतलेला ताबा, त्यानंतर युक्रेनच्या प्रांतांमधील यादवी, सीरियातील संघर्ष, अमेरिकेच्या अध्यक्षीय निवडणुकीतील कथित रशियातून झालेले सायबर हल्ले यांमुळे दोन्ही देशांमधील संबंध काही वर्षांपासून सातत्याने तणावपूर्ण आहेत. या पार्श्वभूमीवर, ट्रम्प आणि पुतीन यांच्यामध्ये हेलसिंकीमध्ये ही ऐतिहासिक परिषद होत आहे. सध्याचे व्यापार युद्ध, इराणबरोबरील अणुकरार यांमुळेही या परिषदेमध्ये कोणत्या प्रश्नांवर चर्चा होते, याकडे जगाचे लक्ष लागले आहे. फुटबॉल वर्ल्ड कपच्या यशस्वी आयोजनासाठी पुतीन यांचे ट्रम्प आणि अन्य जागतिक नेत्यांनी अभिनंदन करूनच परिषदेला सुरुवात झाली. पुतीन म्हणाले, 'आमच्यातील संबंध आणि जगाच्या अन्य भागांतील समस्या या विषयांवर ठोस मार्गाने चर्चा करण्याची वेळ आली आहे.' ट्रम्प म्हणाले, 'अनेक वर्षांपासून दोन्ही देश एकत्र नाहीत आणि दोन्ही देश एकत्र यावेत, असे जगाला वाटते. आम्ही दोघेही महान अण्वस्त्रक्षम देश आहोत. मला अध्यक्ष होऊन दोनच वर्षे झाले असून, या काळामध्ये आमच्यामध्ये दृढ संबंध निर्माण होत आहेत, असे मला वाटते.'
अमेरिकेच्या अध्यक्षपदाच्या निवडणुकीमध्ये रशियाने हस्तक्षेप केल्याचा आरोप आहे. त्यामुळे, पुतीन यांच्यावर दबाव आणावा, अशी मागणी अमेरिकेतून होत होती. ही परिषदच रद्द करावी, असे आवाहनही अनेक तज्ज्ञांनी केले होते. मात्र, चीन व उत्तर कोरिया या एकाधिकारशाही नेत्यांप्रमाणेच पुतीन यांच्याबरोबर वैयक्तिक संबंध उपयुक्त ठरतील, अशा पद्धतीने ट्रम्प प्रयत्न करत आहेत. त्यामुळे, पुतीन यांच्याशी भेटणे, ही खूप चांगली गोष्ट असेल, असे ट्रम्प यांनी या परिषदेपूर्वी म्हटले आहे. मात्र, दोन्ही नेत्यांमध्ये अन्य काही मुद्द्यांवर मतभेद असल्याचे सांगण्यात येते.
विरोधकांवर ट्रम्प यांचे टीकास्त्र
परिषदेची सुरुवात होण्यापूर्वी ट्रम्प यांनी ट्विटरवरून देशांतर्गत विरोधकांवर शरसंधान केले. 'रशियाबरोबरील अमेरिकेच संबंध कधीही चांगले नव्हते, यासाठी अमेरिकेच्या अनेक वर्षांचा मूर्खपणा कारणीभूत आहे,' असे या ट्विटमध्ये म्हटले आहे.
टोकाचे तणावपूर्ण असणारे द्विपक्षीय संबंध पूर्ववत करण्याच्या निश्चयासह अमेरिकेचे अध्यक्ष डोनाल्ड ट्रम्प आणि रशियाचे अध्यक्ष व्लादीमीर पुतीन यांच्यातील ऐतिहासिक शिखर परिषदेला सोमवारी सुरुवात झाली.
रशियाने युक्रेनच्या द्विपकल्पावर घेतलेला ताबा, त्यानंतर युक्रेनच्या प्रांतांमधील यादवी, सीरियातील संघर्ष, अमेरिकेच्या अध्यक्षीय निवडणुकीतील कथित रशियातून झालेले सायबर हल्ले यांमुळे दोन्ही देशांमधील संबंध काही वर्षांपासून सातत्याने तणावपूर्ण आहेत. या पार्श्वभूमीवर, ट्रम्प आणि पुतीन यांच्यामध्ये हेलसिंकीमध्ये ही ऐतिहासिक परिषद होत आहे. सध्याचे व्यापार युद्ध, इराणबरोबरील अणुकरार यांमुळेही या परिषदेमध्ये कोणत्या प्रश्नांवर चर्चा होते, याकडे जगाचे लक्ष लागले आहे. फुटबॉल वर्ल्ड कपच्या यशस्वी आयोजनासाठी पुतीन यांचे ट्रम्प आणि अन्य जागतिक नेत्यांनी अभिनंदन करूनच परिषदेला सुरुवात झाली. पुतीन म्हणाले, 'आमच्यातील संबंध आणि जगाच्या अन्य भागांतील समस्या या विषयांवर ठोस मार्गाने चर्चा करण्याची वेळ आली आहे.' ट्रम्प म्हणाले, 'अनेक वर्षांपासून दोन्ही देश एकत्र नाहीत आणि दोन्ही देश एकत्र यावेत, असे जगाला वाटते. आम्ही दोघेही महान अण्वस्त्रक्षम देश आहोत. मला अध्यक्ष होऊन दोनच वर्षे झाले असून, या काळामध्ये आमच्यामध्ये दृढ संबंध निर्माण होत आहेत, असे मला वाटते.'
अमेरिकेच्या अध्यक्षपदाच्या निवडणुकीमध्ये रशियाने हस्तक्षेप केल्याचा आरोप आहे. त्यामुळे, पुतीन यांच्यावर दबाव आणावा, अशी मागणी अमेरिकेतून होत होती. ही परिषदच रद्द करावी, असे आवाहनही अनेक तज्ज्ञांनी केले होते. मात्र, चीन व उत्तर कोरिया या एकाधिकारशाही नेत्यांप्रमाणेच पुतीन यांच्याबरोबर वैयक्तिक संबंध उपयुक्त ठरतील, अशा पद्धतीने ट्रम्प प्रयत्न करत आहेत. त्यामुळे, पुतीन यांच्याशी भेटणे, ही खूप चांगली गोष्ट असेल, असे ट्रम्प यांनी या परिषदेपूर्वी म्हटले आहे. मात्र, दोन्ही नेत्यांमध्ये अन्य काही मुद्द्यांवर मतभेद असल्याचे सांगण्यात येते.
विरोधकांवर ट्रम्प यांचे टीकास्त्र
परिषदेची सुरुवात होण्यापूर्वी ट्रम्प यांनी ट्विटरवरून देशांतर्गत विरोधकांवर शरसंधान केले. 'रशियाबरोबरील अमेरिकेच संबंध कधीही चांगले नव्हते, यासाठी अमेरिकेच्या अनेक वर्षांचा मूर्खपणा कारणीभूत आहे,' असे या ट्विटमध्ये म्हटले आहे.