ट्रम्प यांचा ‘राष्ट्रबंदी’ विस्तार

वॉशिंग्टन : अमेरिकेचे अध्यक्ष डोनाल्ड ट्रम्प यांनी अमेरिकेत बंदी घातलेल्या राष्ट्रांच्या यादीचा विस्तार केला आहे. यापुढे उत्तर कोरिया, व्हेनेझुएला आणि उत्तर मध्य आफ्रिकेतील छाड या देशातील नागरिकांनाही अमेरिकेत बंदी असेल, असे नमूद करण्यात आले आहे.

मागील तीन महिन्यांपासून ट्रम्प प्रशासनाने इराण, सीरिया, लिबिया, सोमालिया, येमेन आणि सुदान या मुस्लिम देशांतील नागरिकांना अमेरिकेतील नागरिकांसोबत प्रामाणित ओळखीशिवाय प्रवेश निषिद्ध केला आहे. मात्र लवकरच हा आदेश संपुष्टात येणार असून, १८ ऑक्टोबरपासून नवीन आदेश अंमलात आणला जाईल. यात सोमालिया, येमेन, सीरिया, लिबिया, इराण आणि छाड या मुस्लिम राष्ट्रांच्यासह उत्तर कोरिया, व्हेनेझुएला या बिगरमुस्लिम राष्ट्रांचा समावेश असणार आहे. नव्या यादीतून सुदानला वगळण्यात आले आहे.