वॉशिंग्टन
अमेरिका आणि उत्तर कोरिया यांच्यातील संबंध सर्वश्रूत असले तरी अमेरिकेचे राष्ट्राध्यक्ष डोनाल्ड ट्रम्प आणि उत्तर कोरियाचे हुकूमशहा किम जोंग उन हे दोन बडे नेते एकमेकांना भेटणार असल्याचे वृत्त आहे.
डोनाल्ड ट्रम्प आणि किम जोंग या दोन बड्या नेत्यांमध्ये येत्या मे महिन्यात बैठक होणार असल्याच्या वृत्ताला दक्षिण कोरियाचे राष्ट्रीय सुरक्षा सल्लागार चुंग एइयोंग यांनी दुजोरा दिला आहे. ट्रम्प आणि जोंग यांची ही भेट ऐतिहासिक मानली जात आहे. चुंग एइयोंग हे वॉशिंग्टनच्या दौऱ्यावर आले असता त्यांनी या भेटीसंदर्भात माहिती दिली. उत्तर कोरियासंदर्भात दक्षिण कोरिया येत्या काही तासात मोठी घोषणा करणार आहे, असा दावा अमेरिकेचे राष्ट्राध्यक्ष डोनाल्ड ट्रम्प यांनी केला. आज सायंकाळी साडेपाचच्या सुमारास ही घोषणा करणार असल्याचा दावा ट्रम्प यांनी केला.
अमेरिका आणि उत्तर कोरिया यांच्यात काही मुद्द्यावरून चांगलाच तणाव निर्माण झाला होता. तर दक्षिण कोरियामध्ये झालेल्या विंटर ऑलिम्पिकदरम्यान दोन्ही कोरियाई देशादरम्यानचा तणाव निवळला होता.
अमेरिका आणि उत्तर कोरिया यांच्यातील संबंध सर्वश्रूत असले तरी अमेरिकेचे राष्ट्राध्यक्ष डोनाल्ड ट्रम्प आणि उत्तर कोरियाचे हुकूमशहा किम जोंग उन हे दोन बडे नेते एकमेकांना भेटणार असल्याचे वृत्त आहे.
डोनाल्ड ट्रम्प आणि किम जोंग या दोन बड्या नेत्यांमध्ये येत्या मे महिन्यात बैठक होणार असल्याच्या वृत्ताला दक्षिण कोरियाचे राष्ट्रीय सुरक्षा सल्लागार चुंग एइयोंग यांनी दुजोरा दिला आहे. ट्रम्प आणि जोंग यांची ही भेट ऐतिहासिक मानली जात आहे. चुंग एइयोंग हे वॉशिंग्टनच्या दौऱ्यावर आले असता त्यांनी या भेटीसंदर्भात माहिती दिली. उत्तर कोरियासंदर्भात दक्षिण कोरिया येत्या काही तासात मोठी घोषणा करणार आहे, असा दावा अमेरिकेचे राष्ट्राध्यक्ष डोनाल्ड ट्रम्प यांनी केला. आज सायंकाळी साडेपाचच्या सुमारास ही घोषणा करणार असल्याचा दावा ट्रम्प यांनी केला.
अमेरिका आणि उत्तर कोरिया यांच्यात काही मुद्द्यावरून चांगलाच तणाव निर्माण झाला होता. तर दक्षिण कोरियामध्ये झालेल्या विंटर ऑलिम्पिकदरम्यान दोन्ही कोरियाई देशादरम्यानचा तणाव निवळला होता.