uk covaxin approved : विद्यार्थी, पर्यटकांसाठी गुड न्यूज... ब्रिटनने दिली कोवॅक्सिनला मंजुरी

लंडनः भारत आणि चीनमधील कोविड-19 लसींना ब्रिटनने प्रवासासाठी मंजुरी दिली आहे. यामुळे ब्रिटनला जाऊ इच्छिणाऱ्या विद्यार्थी आणि नागरिकांसाठी ही बातमी दिलासा देणारी आहे. ब्रिटनमध्ये कोवॅक्सिन लसीला मंजुरीन न मिळाल्यामुळे यापूर्वी भारतीयांना क्वारंटाइन करावे लागले होते. चीनची सिनोव्हॅक बायोटेक लिमिटेड, चीन सरकारच्या मालकीची सिनोफार्मा आणि भारताची भारत बायोटेक इंटरनॅशनल लिमिटेडची कोवॅक्सिन यांचा लसीकरणाच्या यादीत समावेश करण्यात आला आहे. यूकेच्या परिवहन, आरोग्य आणि सामाजिक सेवा विभागाच्या अधिसूचनेद्वारे सोमवारी ही माहिती देण्यात आली.

आता जागतिक आरोग्य संघटनेकडून (WHO) आपत्कालीन मंजुरी मिळवणाऱ्या सर्व सात कोविड लसींना ब्रिटनने द्वारे मंजुरी दिली जाईल. यामध्ये भारताच्या कोवॅक्सीन लसीचाही समावेश आहे. कोवॅक्सिनला नोव्हेंबरच्या सुरवातीला जागतिक आरोग्य संघटनेकडून मंजुरी मिळाली होती. ब्रिटन ऑस्ट्रेलियाच्या धोरणाचे पालन करत आहे. ऑस्ट्रेलियाने गेल्या महिन्यातच वेगवेगळ्या लसींच्या शॉट्सची संख्या वाढवली. या महिन्यात विदेशी प्रवाशांसाठी आपल्या सीमा उघडल्यावर WHO-मान्यता प्राप्त सर्व लसी स्वीकारल्या जातील, असे अमेरिकेने म्हटले होते.

cash falls from armored truck : फ्रीवेवर ट्रकमधून नोटांचा अक्षरशः पाऊस पडला, नागरिकांची लुटीसाठी पळापळ

ब्रिटनच्या या निर्णयामुळे हजारो भारतीय विद्यार्थ्यांना यूकेमध्ये जाण्याची परवानगी मिळेल. कोवॅक्सीन लस घेतलेल्या भारतीयांना ब्रिटनमध्ये प्रवेश मिळणार आहे. यूके विद्यापीठांना चिनी नागरिकांकडून पदवी शिक्षणासाठी विक्रमी आर्ज प्राप्त झाले आहेत, असे यूके युनिव्हर्सिटी अॅडमिशन सर्व्हिस प्रोव्हायडर कंपनी (UCAS) ने प्रसिद्ध केलेल्या ऑक्टोबरच्या अहवालात म्हटले आहे.

रक्तरंजित ख्रिसमस परेड! अनियंत्रित वेगानं गर्दीत घुसली गाडी, अनेकांना चिरडलं