ब्रिटीश पंतप्रधान बोरिस यांना पुत्ररत्नाचा लाभ

लंडन: करोनावर मात केल्यानंतर ब्रिटनचे पंतप्रधान बोरिस जॉन्सन यांना पुत्ररत्नाचा लाभ झाला आहे. जॉन्सन यांची प्रेयसी कॅरी सायमंड्स यांनी आज लंडनमधील एका रुग्णालयात एका बाळाला जन्म दिला आहे. दोघांचीही प्रकृती चांगली असल्याची माहिती रुग्णालयाने दिली आहे.

ब्रिटनचे पंतप्रधान बोरिस यांना मार्च महिन्यात करोनाची बाधा झाली होती. त्यानंतर त्यांच्यावर घरीच उपचार सुरू होते. प्रकृती ढासळल्यामुळे त्यांना एप्रिल महिन्याच्या सुरुवातीला रुग्णालयात आयसीयूमध्ये दाखल करण्यात आले होते. त्यानंतर बोरिस जॉन्सन यांचा करोना रिपोर्ट निगेटिव्ह आल्यानंतर १२ एप्रिल रोजी डिस्चार्ज देण्यात आला होता. त्यानंतर प्रोटोकॉलप्रमाणे १४ दिवस क्वारंटाइन राहिल्यानंतर त्यांना करोनाची बाधा नसल्याचे जाहीर करण्यात आले.

वाचा: पंतप्रधान जॉन्सन कामावर परतले
वाचा: करोनाच्या लसीची ब्रिटनमध्ये सर्वात मोठी चाचणी

जॉन्सन यांनी सांगितले की, करोनाबाधित झाल्यानंतर रुग्णालयात उपचार सुरू असताना कॅरी दरवेळेस गर्भाबाबतची माहिती देत होत्या. बाळाच्या आगमनाची चाहूल असल्यामुळे करोनावर मात करण्यासाठीची इच्छाशक्ती आणखी प्रबळ होत होती असे त्यांनी सांगितले. पंतप्रधान बोरिस जॉन्सन आणि त्यांची प्रेयसी कॅरी सायमंड्स लवकरच विवाह बंधनात अडकणार आहेत. कॅरी यांच्यातही करोनाची लक्षणे आढळली होती. त्यानंतर त्या अनेक दिवस सेल्फ आयसोलेशनमध्ये होत्या.

आणखी वाचा:
ब्राझील नवा हॉटस्पॉट; न्यूझीलंडमध्ये निर्बंध हटवले
हवेतून संसर्ग? करोनाची गुणसूत्रे हवेत आढळली
चीन: करोना रोखण्यासाठी आता घरातच कॅमेरे!