Boris Johnson भारतात करोनाचे थैमान; ब्रिटनचे पंतप्रधान बोरिस जॉन्सन यांचा भारत दौरा रद्द

लंडन: ब्रिटनचे पंतप्रधान बोरिस जॉन्सनन यांचा भारत रद्द करण्यात आला आहे. बोरिस जॉन्सन पुढील आठवड्यात भारत दौऱ्यावर येणार होते. मात्र, करोना संकटामुळे त्यांनी भारत दौरा रद्द केला. बोरिस जॉन्सन याआधी २६ जानेवारी रोजी भारतीय प्रजासत्ताक दिन सोहळ्याचे प्रमुख पाहुणे म्हणून उपस्थित राहणार होते. मात्र, त्यांनी आपला दौरा रद्द केला. बोरिस जॉन्सन यांचा सलग दोन वेळेस भारत दौरा करण्यात आला आहे.

भारतात सुरू असलेल्या करोना संकटाच्या पार्श्वभूमीवर हा दौरा रद्द करण्यात आला असल्याचे ब्रिटनच्या परराष्ट्र मंत्रालयाने म्हटले. भारत दौरा रद्द झाल्यामुळे बोरिस जॉन्सन याच महिन्याच्या अखेरीस पंतप्रधान नरेंद्र मोदी यांच्यासह दोन्ही देशांच्या संबंधांबाबत चर्चा करतील. याच वर्षी दोन्ही नेत्यांमध्ये भेट होऊ शकते. बोरिस जॉन्सन यांच्या भारत दौऱ्यावरून ब्रिटनमधील विरोधकांनी टीकेची झोड उठवली होती. ब्रिटनमध्ये करोनाचे संकट असताना पंतप्रधानांनी परदेश दौऱ्यावर जाणे चुकीचे असल्याचे ब्रिटनमधील विरोधकांनी म्हटले.

वाचा: भारतासोबतची हवाई वाहतूक स्थगित; हाँगकाँगचा निर्णय

वाचा: 'या' देशात ८० टक्के लसीकरण; एक वर्षानंतर मास्क वापरापासून सुटका

ब्रिटनच्या मजूर पक्षाचे नेते स्टीव्ह रीड यांनी जॉन्सन यांच्या भारत दौऱ्याला विरोध दर्शवला होता. गरज नसताना घराबाहेर पडून नये असे ब्रिटन सरकार लोकांना आवाहन करत असताना दुसरीकडे पंतप्रधान भारत दौऱ्यावर जात आहे. पंतप्रधान जॉन्सन यांनी ऑनलाइन बैठक करून एक चांगले उदाहरण देशासमोर ठेवावे अशी मागणी त्यांनी केली होती.