‘ब्रेग्झिट’ची किंमत ४० अब्ज

लंडन : युरोपीय महासंघातून बाहेर पडण्याच्या ब्रिटनच्या निर्णयानंतर, आता ‘ब्रेग्झिट’च्या प्रक्रियेला सुरुवात झाली आहे. या निर्णयाची भरपाई म्हणून युरोपीय महासंघाला ४० अब्ज युरो देण्यास ब्रिटन तयार असल्याचे सांगण्यात येत आहे.

युरोपीय महासंघातून ब्रिटनने गेल्या वर्षी माघार घेतली. त्यावरून, युरोपीय महासंघाला भरपाई देण्याविषयी आणि व्यापार व अन्य व्यवहारांच्या अटींविषयी दोन्ही बाजूंकडून चर्चा होत आहे. या निर्णयामुळे व्यापारात होणारे नुकसान, नागरिकांचे अधिकार, पैसा आणि नॉर्दर्न आयर्लंडचा प्रश्न हे चर्चेतील प्रमुख मुद्दे आहेत. युरोपीय महासंघाकडून २७ जणांची एक समिती निश्चित करण्यात आली आहे.