russia attacks ukraine : युद्धाचा भडका; रशियाच्या हल्ल्यात ७ ठार, तर युक्रेनने ५ लढाऊ विमानं, २ हेलिकॉप्टर पाडली

युक्रेन/ नवी दिल्ली : रशियाने युक्रेनवर क्षेपणास्त्र हल्ला ( ukraine russia crisis ) केल्यानंतर आता रशियान सैनिक आणि रणगाडे युक्रेनमध्ये घुसले आहेत. युक्रेनमध्ये रशियाने सैन्य कारवाई सुरू केली आहे. अेरिकेने रशियाला गंभीरा इशारा दिला आहे. तर चीनने हा वाद शांततेत मिटवण्याचं आवाहन केलं आहे. पण रशियाने केलेल्या हल्ल्यात ७ जण ठार झाले आहे. तर ९ जखमी झाल्याची माहिती युक्रेनने दिल्याचं वृत्त रायटर्स या संस्थेनं दिलं आहे.

भारतातील युक्रेनच्या राजदुतांनी दिली माहिती

रशियाने युक्रेनवर हल्ला केल्याचं स्पष्टपणे दिसत आहे. रशियाने पहाटे ५ वाजेच्या सुमारास क्षेपणास्त्र हल्ले केले. युक्रेनच्या हवाई आणि लष्करी तळांसह सैन्य ठिकाणांवर रशियाने हल्ला केला आहे. क्षेपणास्त्र आणि बॉम्ब हल्ले केल्याची माहिती आहे, असं भारतातील युक्रेनचे राजदूत डॉ. इगोर पोलिखा यांनी सांगितलं.

रशियाने काही हल्ले युक्रेनच्या बाह्य भागात केले आहेत. तर काही हल्ले युक्रेनमधील अंतर्गत भागातही केले आहेत. हल्ल्यांमध्ये किती जीविहानी झाली याची माहिती घेण्यात येत आहे. किती सैनिक आणि नागरिक ठार झाले याची प्राथमिक माहिती घेतली जात आहे, असं ते म्हणाले.
राजधानी किवच्या बाह्य भागात रशियाने केलेल्या हल्ल्यात काही नागरिक ठार झाल्याची माहिती आहे. काही ठिकाणी रशिया आणि युक्रेनच्या सैनिकांमध्ये लढाई सुरू झाली आहे. युक्रेनमधील आमच्या संरक्षण मंत्रालयाने दिलेल्या माहितीनुसार युक्रेनने रशियाची ५ लढाऊ विमानं आणि २ हेलिकॉप्टर पाडली आहेत. यासोबतच रशियाचे २ रणगाडे आणि अनेक ट्रक नष्ट केले आहेत, असं युक्रेनच्या भारतातील राजदुतांनी सांगितलं.

युक्रेनवर रशियाचा हल्ला : भारतीय दूतावास नागरिकांना म्हणाले...

रशियाच्या हल्ल्याने युक्रेनची राजधानी नागरिकांची पळपळ

रशियाने युक्रेनवर हल्ला केल्यानंतर युक्रेनची राजनाधी किवमध्ये नागरिकांची धावपळ उडाली आहे. नागरिक जीव मुठीत घेऊन पळत आहेत. यामुळे किवमधील रस्त्यांवर मोठ्या प्रमाणात ट्रॅफिक जाम झाल्याचे चित्र समोर आले आहे. दुसरीकडे युक्रेनच्या सेंट्रल बँकेच्या गव्हर्नरनी रोकड काढण्यासाठी लवकरच मर्यादा घातली जाणार असल्याचं म्हटलं आहे. यानंतर नागरिक आपल्या खात्यातून एका दिवसात १००,०० युक्रेनियन चलन काढू शकतील.

रशियाने युक्रेनवर हल्ला करताच अमेरिकेची मोठी घोषणा, बायडन म्हणाले...

युरोपियन संघाकडून रशियावर कठोर निर्बंध लादले जाणार

युक्रेनवरील रशियाच्या सैन्य कारवाईविरोधात युरोपियन संघही आक्रमक झाला आहे. रशियावर कठोर निर्बंध लादले जातील असं युरोपियन संघाने म्हटलं आहे.