वॉशिंग्टन: अमेरिका आणि रशियातील तणाव कमी होण्यासाठी काही महिन्यांपूर्वी दोन्ही देशांच्या प्रमुखांची बैठक झाली होती. मात्र, त्यानंतरही दोन्ही देशांकडून कुरघोडी करण्याचे प्रयत्न सुरू आहेत. अमेरिकेने २४ रशियन राजनयिकांना देश सोडण्याचे आदेश दिले आहेत. तीन सप्टेंबरपर्यंत त्यांना अमेरिकेतून माघारी परतावे लागणार आहे. या राजनियकांच्या व्हिसाची मुदत संपल्याने अमेरिकेने हे आदेश दिले असल्याची माहिती रशियन राजदूतांनी दिली आहे. अमेरिकेने व्हिसा प्रक्रिया कठोर केली आहे.
रशियन दूतावासात अमेरिकेतून जाणाऱ्या रशियन राजनयिकांच्या ऐवजी इतर रशियन राजनयिकांचीही नियुक्ती होणार नाही. अमेरिकेकडून त्यांना अद्यापही व्हिसा देण्यात आला नाही. डिसेंबर २०२० मध्ये अमेरिका आणि रशियामध्ये झालेल्या करारानुसार, रशियाचे राजनयिक अमेरिकेत तीन वर्ष राहू शकतात. व्हिसाची मुदत संपल्यानंतर त्यांना देश सोडणे अथवा व्हिसा मुदत वाढीसाठी अर्ज करण्याचा पर्याय उपलब्ध आहे. एका अमेरिकन माध्यमांशी बोलताना रशियन राजदूतांनी सांगितले की, आमच्या माहितीप्रमाणे हा नियम इतर देशांना लागू होत नाही.
याआधी एप्रिल महिन्यात बायडन प्रशासनाने राष्ट्राध्यक्ष निवडणुकीत हस्तक्षेप आणि सायबर हल्ल्यासाठी रशियाला जबाबदार ठरवले होते. त्यानंतर १० रशियन राजनयिकांना बरखास्त केले होते.
रशियन दूतावासात अमेरिकेतून जाणाऱ्या रशियन राजनयिकांच्या ऐवजी इतर रशियन राजनयिकांचीही नियुक्ती होणार नाही. अमेरिकेकडून त्यांना अद्यापही व्हिसा देण्यात आला नाही. डिसेंबर २०२० मध्ये अमेरिका आणि रशियामध्ये झालेल्या करारानुसार, रशियाचे राजनयिक अमेरिकेत तीन वर्ष राहू शकतात. व्हिसाची मुदत संपल्यानंतर त्यांना देश सोडणे अथवा व्हिसा मुदत वाढीसाठी अर्ज करण्याचा पर्याय उपलब्ध आहे. एका अमेरिकन माध्यमांशी बोलताना रशियन राजदूतांनी सांगितले की, आमच्या माहितीप्रमाणे हा नियम इतर देशांना लागू होत नाही.
याआधी एप्रिल महिन्यात बायडन प्रशासनाने राष्ट्राध्यक्ष निवडणुकीत हस्तक्षेप आणि सायबर हल्ल्यासाठी रशियाला जबाबदार ठरवले होते. त्यानंतर १० रशियन राजनयिकांना बरखास्त केले होते.