वॉशिंग्टन
पाकिस्तानने देशातील दहशतवादी संघटनांविरोधात कारवाई सुरू केली असली, तरी अमेरिका मात्र पाकिस्तानच्या या कारवाईबाबत पूर्णत: समाधानी नाही. पाकमधील दहशतवादी कारवायांविरोधात पाकिस्तानने कायमस्वरूपी आणि सततची कारवाई करण्याची गरज आहे, असे आवाहन अमेरिकेने पाकिस्तानला केले आहे. पाकिस्तानने 'जमात-उद-दावा' या संघटनेचे मुख्यालय ताब्यात घेत अनेक मदरशांवर कारवाई केल्यानंतर अमेरिकेने हे आवाहन केले आहे.
पाकिस्तानातील प्रतिबंध लावण्यात आलेल्या संघटनांच्या एकूण १२१ सदस्यांना नजरकैदेत टाकण्यात आल्याचे पाकिस्तानच्या गृह मंत्रालयाने स्पष्ट केले आहे. पाकिस्तान दहशतवादाविरोधात उचलत असलेल्या पावलांवर अमेरिकेचे लक्ष असून, भविष्यात दहशतवादी हल्ले होणार नाहीत आणि संपूर्ण क्षेत्रात स्थैर्य प्राप्त होईल अशा दृष्टीने पाकिस्तानने कायमस्वरुपी कारवाई करावी असे आवाहन आम्ही पाकिस्तानला केल्याचे अमेरिकेचे परराष्ट्र मंत्रालयाचे उपप्रवक्ता रॉबर्ट पालाडिनो यांनी म्हटले आहे.
पाकिस्तानने संयुक्त राष्ट्र परिषदेने आखून दिलेल्या जबाबदाऱ्यांचे पालन करत दहशतवाद्यांची आश्रयस्थाने नष्ट करावीत. शिवाय त्यांना करण्यात येणारा वित्तपुरवठाही रोखावा असेही पालाडिनो यांनी म्हटले आहे. पालाडिनो यांनी 'जैश'चा म्होरक्या दहशतवादी मसूद अजहर याला जागतिक दहशतवादी घोषित करण्याबाबतच्या प्रश्नाचे सरळ उत्तर दिले नाही. मात्र, अमेरिका आणि त्याचे संयुक्त राष्ट्र सुरक्षा परिषदेतील सहकारी देश दहशतवादी संघटना आणि त्यांच्या म्होरक्यांची संयुक्त राष्ट्राने तयार केलेली यादी अद्ययावत करण्याच्या प्रयत्नात असल्याचे ते म्हणाले.
पाकिस्तानने देशातील दहशतवादी संघटनांविरोधात कारवाई सुरू केली असली, तरी अमेरिका मात्र पाकिस्तानच्या या कारवाईबाबत पूर्णत: समाधानी नाही. पाकमधील दहशतवादी कारवायांविरोधात पाकिस्तानने कायमस्वरूपी आणि सततची कारवाई करण्याची गरज आहे, असे आवाहन अमेरिकेने पाकिस्तानला केले आहे. पाकिस्तानने 'जमात-उद-दावा' या संघटनेचे मुख्यालय ताब्यात घेत अनेक मदरशांवर कारवाई केल्यानंतर अमेरिकेने हे आवाहन केले आहे.
पाकिस्तानातील प्रतिबंध लावण्यात आलेल्या संघटनांच्या एकूण १२१ सदस्यांना नजरकैदेत टाकण्यात आल्याचे पाकिस्तानच्या गृह मंत्रालयाने स्पष्ट केले आहे. पाकिस्तान दहशतवादाविरोधात उचलत असलेल्या पावलांवर अमेरिकेचे लक्ष असून, भविष्यात दहशतवादी हल्ले होणार नाहीत आणि संपूर्ण क्षेत्रात स्थैर्य प्राप्त होईल अशा दृष्टीने पाकिस्तानने कायमस्वरुपी कारवाई करावी असे आवाहन आम्ही पाकिस्तानला केल्याचे अमेरिकेचे परराष्ट्र मंत्रालयाचे उपप्रवक्ता रॉबर्ट पालाडिनो यांनी म्हटले आहे.
पाकिस्तानने संयुक्त राष्ट्र परिषदेने आखून दिलेल्या जबाबदाऱ्यांचे पालन करत दहशतवाद्यांची आश्रयस्थाने नष्ट करावीत. शिवाय त्यांना करण्यात येणारा वित्तपुरवठाही रोखावा असेही पालाडिनो यांनी म्हटले आहे. पालाडिनो यांनी 'जैश'चा म्होरक्या दहशतवादी मसूद अजहर याला जागतिक दहशतवादी घोषित करण्याबाबतच्या प्रश्नाचे सरळ उत्तर दिले नाही. मात्र, अमेरिका आणि त्याचे संयुक्त राष्ट्र सुरक्षा परिषदेतील सहकारी देश दहशतवादी संघटना आणि त्यांच्या म्होरक्यांची संयुक्त राष्ट्राने तयार केलेली यादी अद्ययावत करण्याच्या प्रयत्नात असल्याचे ते म्हणाले.