इस्लामाबाद: अमेरिकेचे राष्ट्राध्यक्ष डोनाल्ड ट्रम्प यांच्या भारत दौऱ्यापूर्वी पाकिस्तानने काश्मीरचा राग आळवला आहे. काश्मीर प्रश्नी आपल्या भारत दौऱ्यात काही ठोस पावले डोनाल्ड ट्रम्प उचलतील अशा विश्वास पाकिस्तानने व्यक्त केला आहे. डोनाल्ड ट्रम्प २४ व २५ फेब्रुवारी रोजी भारत दौऱ्यावर येणार आहेत.
पाकिस्तानच्या परराष्ट्र खात्याचे प्रवक्ते आइशा फारूखी यांनी सांगितले की, काश्मीर प्रश्नी मध्यस्थ म्हणून ट्रम्प यांनी इच्छुक असल्याचे सांगितले होते. याच मुद्यावर काही ठोस पावले ट्रम्प भारत दौऱ्यात उचलतील असेही त्यांनी सांगितले. चार अमेरिकन सिनेटरांनी परराष्ट्र मंत्री माइक पॉम्पिओ यांना पत्र लिहून काश्मीर मुद्यावर त्यांचे लक्ष वेधले होते असेही फारूखी यांनी सांगितले.
वाचा: ट्रम्प यांच्या सुरक्षा रक्षकांबद्दल हे माहीत आहे का?
वाचा: भारतात एक कोटी लोकं स्वागत करणार: ट्रम्प
दरम्यान, काश्मीर मुद्यावर कोणत्याही तिसऱ्या देशाच्या हस्तक्षेपाला भारताने यापूर्वीच विरोध दर्शवला आहे. काश्मीर प्रश्न हा भारत व पाकिस्तान दरम्यानचे असल्याचे भारताने याआधी स्पष्ट केले होते. तर, पाकिस्तान काश्मीरच्या मुद्यावर मध्यस्थ म्हणून अमेरिकेने भूमिका बजवावी यावर ठाम आहे. मागील वर्षी अमेरिका दौऱ्यात पाकिस्तानचे पंतप्रधान इम्रान खान यांनी अमेरिकेचे राष्ट्राध्यक्ष डोनाल्ड ट्रम्प यांची भेट घेतली होती. त्यानंतर ट्रम्प यांनी काश्मीर प्रश्नी आपण मध्यस्थ म्हणून राहण्यास तयार असल्याचे सांगितले होते.
आणखी वाचा:
संसदेत सात वेळेस खोटं बोलल्यानं तुरुंगवास
करोना रुग्णांच्या आकडेवारीत चीनकडून गोलमाल?