काबूल: अफगाणिस्तानमध्ये तालिबानकडून तीव्र हल्ले सुरू झाले आहेत. तालिबानने अफगाणिस्तानमधील बहुतांशी भागावर नियंत्रण मिळवल्याचा दावा केला आहे. तर, दुसरीकडे तालिबानच्या क्रूरतेच्या घटना समोर येऊ लागल्या आहेत. तालिबानच्या हिंसाचारासाठी अफगाणिस्तानचे राष्ट्रपती अशरफ गनी यांनी अमेरिकेवर टीका केली आहे. तालिबानच्या हिंसाचारासाठी अमेरिकेने जलदपणे सैन्य माघारी घेतल्याचा हा परिणाम असल्याचा आरोप त्यांनी केला आहे. तालिबानच्या वाढत्या प्रभावाला रोखण्यासाठी आणि प्रमुख शहराच्या सुरक्षितेवर अफगाण सैन्य लक्ष केंद्रीत करणार असल्याचे त्यांनी सांगितले.
अफगाणिस्तानचे राष्ट्रपती अशरफ गनी यांनी तालिबानविरोधात एकजुटीने सामना करण्याचे आवाहन खासदारांना केले. अमेरिका आणि नाटो सैन्याच्या माघारीनंतर अशरफ गनी यांचे हे वक्तव्य महत्त्वाचे मानले जात आहे.
गनी यांनी खासदारांना संबोधित करताना म्हटले की, तालिबानसोबत शांतता चर्चा करून काही ठोस फायदा झाला नाही. या उलट चर्चेमुळे अफगाणिस्तानच्या लोकांमध्ये संशय आणि शंका निर्माण झाली. अफगाणिस्तानच्या राष्ट्रपतींनी पुढे म्हटले की, तालिबानचा शांततेवर विश्वास नाही. पुढील सहा महिन्यात अभूतपूर्व बदल होतील आणि तालिबानचा पाडाव होईल असा विश्वासही त्यांनी व्यक्त केला. अफगाणिस्तानच्या सुरक्षा दलाकडे दहशतवाद्यांचा पाडाव करण्याची क्षमता असल्याचेही त्यांनी सांगितले.
दरम्यान, अफगाणिस्तानमध्ये सुरक्षा दल आणि तालिबानमध्ये जोरदार संघर्ष सुरू आहे. राष्ट्रपतींच्या भाषणानंतर काही तासांमध्येच तालिबानने हेलमंद प्रांताची राजधानी लष्कर गाहमधील प्रांतीय सरकारच्या रेडिओ आणि टीव्ही भवनावर ताबा मिळवला.
अफगाणिस्तानचे राष्ट्रपती अशरफ गनी यांनी तालिबानविरोधात एकजुटीने सामना करण्याचे आवाहन खासदारांना केले. अमेरिका आणि नाटो सैन्याच्या माघारीनंतर अशरफ गनी यांचे हे वक्तव्य महत्त्वाचे मानले जात आहे.
गनी यांनी खासदारांना संबोधित करताना म्हटले की, तालिबानसोबत शांतता चर्चा करून काही ठोस फायदा झाला नाही. या उलट चर्चेमुळे अफगाणिस्तानच्या लोकांमध्ये संशय आणि शंका निर्माण झाली. अफगाणिस्तानच्या राष्ट्रपतींनी पुढे म्हटले की, तालिबानचा शांततेवर विश्वास नाही. पुढील सहा महिन्यात अभूतपूर्व बदल होतील आणि तालिबानचा पाडाव होईल असा विश्वासही त्यांनी व्यक्त केला. अफगाणिस्तानच्या सुरक्षा दलाकडे दहशतवाद्यांचा पाडाव करण्याची क्षमता असल्याचेही त्यांनी सांगितले.
दरम्यान, अफगाणिस्तानमध्ये सुरक्षा दल आणि तालिबानमध्ये जोरदार संघर्ष सुरू आहे. राष्ट्रपतींच्या भाषणानंतर काही तासांमध्येच तालिबानने हेलमंद प्रांताची राजधानी लष्कर गाहमधील प्रांतीय सरकारच्या रेडिओ आणि टीव्ही भवनावर ताबा मिळवला.