प्रेक्षकांकडून मल्ल्याची हुर्यो

लंडन : भारतातून पलायन केलेले उद्योजक विजय मल्ल्याला रविवारी भारत-दक्षिण आफ्रिका सामना पाहण्यासाठी ओव्हल मैदानावर उपस्थित होता खरा; पण भारतीय प्रेक्षकांकडून त्याची हुर्यो उडवण्यात आली. आकाशी रंगाचा ब्लेझर परिधान केलेला मल्ल्या जॅक होब्ज प्रवेशद्वारातून स्टेडियममध्ये आला. त्यावेळी काही भारतीय प्रेक्षकांनी ‘चोर, चोर’ असे संबोधून त्याची हुर्यो उडवली.

काही जणांनी तर त्याचा व्हिडिओ टिपत ‘वो देखो चोर जा रहा है’ अशीही टिप्पणी केली. मल्ल्याने यावर कोणतीही प्रतिक्रिया न देता हॉस्पिटॅलिटी बॉक्सचा रस्ता धरला. यापूर्वीही विराट कोहली फाउंडेशनच्या भोजन समारंभावेळी भारतीय खेळाडूंनी मल्ल्या यांची भेट घेण्याचे टाळल्यामुळे त्यांना फजितीला सामोरे जावे लागले होते.

#Video: 'वो देखो चोर जा रहा है!', पाहा कशाप्रकारे भारतीय क्रिकेट चाहत्यांनी उडवली मल्ल्याची हुर्यो...#INDvSA #VijayMallya #CT17 pic.twitter.com/gSH8JHXLod — maharashtratimes.com (@mataonline) June 12, 2017