मटा ऑनलाइन वृत्त । लंडन
सरकारी बॅंकांची ९ हजार कोटींचे कर्ज बुडवून लंडनला पळालेला विजय मल्ल्या नुकताच लंडनमधील एका पुस्तक प्रकाशनाच्या कार्यक्रमात दिसला. भारतीय उच्चायुक्ताच्या कार्यक्रमात मल्ल्या दिसल्याने भारताच्या लंडनमधील राजदुताला कार्यक्रम अर्ध्यावर सोडून जाण्याची पाळी आली.
लेखक सुहैल सेठ यांच्या 'मंत्राज फॉर सक्सेसः इंडियाज ग्रेटेस्ट सीईओज टेल यू हाउ टू विन' या पुस्तकाचा प्रकाशन सोहळा आयोजित करण्यात आला होता. या कार्यक्रमाला प्रमुख वक्ते म्हणून लंडनमधील भारताचे राजदूत उपस्थित होते. कार्यक्रमाच्या एका फोटोत विजय मल्ल्या उपस्थित मान्यवरांमध्ये बसल्याचे दिसत आहे. भारतीय उच्चायुक्ताने आयोजित केलेल्या कार्यक्रमातील निमंत्रण पाठवलेल्या लोकांच्या यादीत मल्ल्याचे नाव नव्हते, तसेच या कार्यक्रमात मल्ल्या आलाच नसल्याचा दावाही परराष्ट्र मंत्रालयाने केला आहे.
पुस्तक प्रकाशनाच्या कार्यक्रमाला विजय मल्ल्या उपस्थित असल्याने भारतीय उच्चायुक्त नवतेज सरना हे कार्यक्रम अर्ध्यावरच सोडून निघून गेल्याचे ट्विट सुहैल सेठ यांनी केले आहे. विजय मल्ल्यावर मनी लॉन्ड्रिंगचा आरोप आहे. तसेच ईडीने मल्ल्याविरोधात रेड कॉर्नर नोटीस बजावली आहे. दरम्यान, विजय मल्ल्याची १,४११ कोटींची संपत्ती ईडीने जप्त केली आहे.
सरकारी बॅंकांची ९ हजार कोटींचे कर्ज बुडवून लंडनला पळालेला विजय मल्ल्या नुकताच लंडनमधील एका पुस्तक प्रकाशनाच्या कार्यक्रमात दिसला. भारतीय उच्चायुक्ताच्या कार्यक्रमात मल्ल्या दिसल्याने भारताच्या लंडनमधील राजदुताला कार्यक्रम अर्ध्यावर सोडून जाण्याची पाळी आली.
लेखक सुहैल सेठ यांच्या 'मंत्राज फॉर सक्सेसः इंडियाज ग्रेटेस्ट सीईओज टेल यू हाउ टू विन' या पुस्तकाचा प्रकाशन सोहळा आयोजित करण्यात आला होता. या कार्यक्रमाला प्रमुख वक्ते म्हणून लंडनमधील भारताचे राजदूत उपस्थित होते. कार्यक्रमाच्या एका फोटोत विजय मल्ल्या उपस्थित मान्यवरांमध्ये बसल्याचे दिसत आहे. भारतीय उच्चायुक्ताने आयोजित केलेल्या कार्यक्रमातील निमंत्रण पाठवलेल्या लोकांच्या यादीत मल्ल्याचे नाव नव्हते, तसेच या कार्यक्रमात मल्ल्या आलाच नसल्याचा दावाही परराष्ट्र मंत्रालयाने केला आहे.
पुस्तक प्रकाशनाच्या कार्यक्रमाला विजय मल्ल्या उपस्थित असल्याने भारतीय उच्चायुक्त नवतेज सरना हे कार्यक्रम अर्ध्यावरच सोडून निघून गेल्याचे ट्विट सुहैल सेठ यांनी केले आहे. विजय मल्ल्यावर मनी लॉन्ड्रिंगचा आरोप आहे. तसेच ईडीने मल्ल्याविरोधात रेड कॉर्नर नोटीस बजावली आहे. दरम्यान, विजय मल्ल्याची १,४११ कोटींची संपत्ती ईडीने जप्त केली आहे.