पाहा २ वर्षांच्या मुलासारखा दिसतो हा माणूस

मटा ऑनलाइन वृत्त । चीन

चीनच्या पूर्व भागातल्या ग्रामीण भागात जन्मलेला वांग तियानफांग एका विचित्र आजाराने ग्रस्त आहे. वांगचा जन्म १९८७ मध्ये झाला आहे, पण जन्मानंतर दोन वर्षांनी त्याची वाढच थांबली. वांग याचं वय आता ३० वर्षं आहे, पण शरीर, बुद्धी मात्र २ वर्षांच्या मुलांसारखीच आहे. त्याला बोलताही येत नाही.

वांगची उंची २ फूट ७ इंच आहे. त्याचा शारीरिकच नव्हे तर मानसिक विकासही झाला नाही. त्याची वाढ थांबली तेव्हा लोकांनी त्याला रस्त्यावर किंवा मंदिरात सोडून देण्याचा सल्ला दिला होता, असं त्याची आई सांगते. पण तिने ना त्याला सोडलं, ना दुसरं मूल होऊ दिलं. वांगचा सांभाळ करण्यासाठी तिने चांगली नोकरी सोडून दिली आणि चहाच्या मळ्यात काम करू लागली. शारीरिक असमर्थतेमुळे वांगची २४ तास काळजी घ्यावी लागते.

पाहा व्हिडिओ -