सिंगापूरच्या पंतप्रधानांवर टीका; ब्लॉगरला ७२ लाखांचा दंड

सिंगापूर: सिंगापूरचे पंतप्रधान ली हसियन लूंग यांच्यावर टीका करणे एका ब्लॉगरला महागात पडले आहे. लूंग यांची बदनामी केल्याप्रकरणी हायकोर्टाने ब्लॉगर लियोंग सेज याला एक लाख डॉलरचा (जवळपास ७२ लाख रुपये) दंड ठोठावला. पंतप्रधान ली यांचा मलेशियातील मनी लाँड्रिंगमध्ये सहभाग असल्याचा आरोप करण्यात आला होता.

ब्लॉगर हियान याने दंडाची रक्कम जमवण्यासाठी क्राउड फंडिंगची मदत घेतली. लिओंगच्या वकिलांनी दिलेल्या माहितीनुसार, सोमवारी दंडापेक्षाही थोडी अधिक रक्कम जमा झाली आहे. या क्राउड फंडिंगमध्ये दोन हजार लोकांनी सहभाग घेत आर्थिक मदत केली. अभिव्यक्ती स्वातंत्र्यासाठी, टीका करण्याच्या अधिकारासाठी ही मंडळी समोर आली असल्याचे त्यांनी सांगितले.

वाचा होणारी सून निघाली पोटची मुलगी! हे कसं घडलं?

वाचा: इमारतीच्या बाल्कनीत महिलांची नग्नावस्थेत स्टंटबाजी; पोलिसांनी केली अटक

कोर्टाच्या निर्णयावर लिओंगने म्हटले की, कोर्टाच्या निर्णयामुळे निराश आहे. टीकेनंतर राजकीय नेत्यांकडून सामान्य नागरिकांवर मानहानीचा दावा ठोकण्याचा हा शेवटचा प्रकार असावा, अशी अपेक्षा व्यक्त करत असल्याचे लिओंगने म्हटले. सिंगापूरमध्ये अनेक राजकीय नेत्यांनी टीका झाल्यानंतर कोर्टात धाव घेतात. प्रतिष्ठा, मान-सन्मानासाठी ही बाब आवश्यक असल्याचे त्यांचे म्हणणे आहे. राजकीय नेत्यांविरोधात आरोपांविरोधात कोर्टात अब्रुनुकसानीचा दावा ठोकण्यात येतो