वयाच्या २३ व्या वर्षी ११ मुलांची आई; 'या' जोडप्याला हवेत १०५ मुले!

कोट्यधीश दामप्त्य असलेले गॅलीप (५६ वर्ष) आणि क्रिस्टीना (२३ वर्ष) यांना आधीच ११ मुले आहेत. आता त्यांनी १०५ बाळांचे आई-वडील होण्याचे ठरवले आहे. गॅलीप हे कोट्यधीश व्यावसायिक आहेत. या रशियन दाम्पत्याच्या इच्छेची सध्या चर्चा सुरू आहे. सध्या जॉर्जियातील बटुमी येथे हे दाम्पत्य वास्तव करत आहे.

क्रिस्टीना आणि गॅलीप यांनी सांगितले की, १०५ मुलांना जन्म देऊन त्यांना इतिहास रचायचा आहे. यासाठी सरोगसीची मदत घेतली जाणार आहे. त्यासाठी येणारा खर्च करण्याचीही त्यांनी तयारी दर्शवली आहे.

सरोगसीचा वापर करून आणखी काही मुले जन्माला येतील असा विश्वास या दाम्पत्याला आहे. व्यावसायिक गॅलीपने सांगितले की, यासाठी ते काही कोटी रुपये खर्च करण्यास तयार आहे. १०५ मुलांना जन्म देण्याचा निर्णय या दामप्त्याने सहमतीने घेतला आहे.

गॅलीप आणि क्रिस्टीना यांनी सर्वच मुलांचे पालन पोषण योग्यप्रकारे होईल असे म्हटले आहे. त्यांचे पहिले बाळ सध्या सहा वर्षांचे आहे. क्रिस्टीनाकडून नैसर्गिकपणे या बाळाचा जन्म झाला. तर, अन्य दहा मुलांचा जन्म सरोगसीच्या माध्यमातून झाला.

क्रिस्टीनाने न्यूजफ्लॅश मीडियाला सांगितले की, सहा वर्षांपूर्वी सर्वात मोठी मुलगी वीकाला जन्म दिला होता. त्यानंतर आता ही उर्वरित १० मुले सरोगसीद्वारे जन्माला आली आहेत. आम्हाला किती मुले होतील, याबाबत काही अंदाज नाही. मात्र, आम्ही निश्चितपणे १० मुलांवर थांबणार नाहीत. प्रत्येक गोष्टींसाठी एक वेळ असते, असेही क्रिस्टीनाने म्हटले.

२३ वर्षीय क्रिस्टीनाला मुलांची आवड आहे. मुलांचे पालन-पोषण करणे, त्यांचा सांभाळ करणे तिला आवडते. त्यामुळेच एवढ्या कमी वयात ११ मुलांच्या मातृत्वाची जबाबदारी स्वीकारली आहे.