Viral ग्रेनेड मिळाल्याच्या माहितीने खळबळ; पण आढळली 'भलतीच' वस्तू

बर्लिन: जर्मनीत एक अजबच घटना समोर आली आहे. जॉगिंग करणाऱ्या एका महिलेला पारदर्शक असणाऱ्या पिशवीत ग्रेनेड सदृष्य वस्तू दिसली. त्यानंतर या महिलेने जबाबदार नागरिकांचे कर्तव्य पार पाडत पोलिसांना लगेचच याची माहिती दिली. पोलिसांनी याचे गांभीर्य समजून घेत या परिसराला घेरले आणि बॉम्बनाशक पथकाला बोलावले. या पथकाने संपूर्ण सक्रियता दाखवत सुरक्षा व्यवस्थेचे नियम पाळत कथित ग्रेनेड ताब्यात घेतला. मात्र, ही वस्तू हाती आल्यानंतर त्यांनी कपाळावर हात मारून घेतला. तो ग्रेनेड नसून सेक्स टॉईज निघाले.

जर्मनीतील बवेरियन शहराबाहेरील एका जंगलात ही पॉलिथिनची पिशवी आढळली. हा परिसर झेक प्रजासत्ताक आणि ऑस्ट्रियाच्या सीमेजवळ आहे. त्यामुळे पोलीस अधिक सतर्क झाले. संपूर्ण जर्मनीत दुसऱ्या महायुद्धाच्या दरम्यानचे ग्रेनेड, शस्त्र, दारुगोळा आढळून येत असतो. त्यामुळे ग्रेनेड मिळाल्याची माहिती समोर आल्यानंतर पोलिसांनी तातडीने हालचाल केली.

वाचा: किम यांची सटकली ! निकृष्ट वैद्यकीय उपकरणे घेणाऱ्या अधिकाऱ्याला मृत्यूदंड

पारदर्शक पॉलिथिनच्या पिशवीत ग्रेनेडच्या आकाराची वस्तू पाहून बॉम्बविरोधी पथकाचे अधिकारीदेखील सतर्क झाले. या पथकातील सदस्यांनी बॉम्बविरोधी सूट घातले आणि रोबोटच्या मदतीने त्या पिशवीला सुरक्षित ठिकाणी घेऊन गेले. मात्र, या पिशवीतील ग्रेनेडची तपासणी केल्यानंतर ग्रेनेडच्या आकारातील सेक्स टॉइज असल्याचे समोर आले. त्याशिवाय या पिशवीत निरोध आणि लुबिक्रेंटदेखील आढळून आले.

वाचा: WHO ने सांगितले, किती देशांमध्ये आढळला करोनाचा भारतीय वेरिएंट

वाचा: शक्य तेवढ्या लवकर भारत सोडा; अमेरिकेची नागरिकांना सूचना

इलेक्ट्रॉनिक डिव्हाइससारख्या डब्यात निरोध

इलेक्ट्रॉनिक डिव्हाइससारखा दिसणाऱ्या डब्यात निरोध आणि लुब्रिकेंट ठेवण्यात आला होते. त्यानंतर हे स्फोटक नसून वस्तू असल्याचा दाट संशय पोलिसांना आला. पोलिसांनी सांगितले की, एखाद्या व्यक्तीला या वस्तू कचरा पेटीत फेकण्याऐवजी एखाद्या निर्जन स्थळी फेकायची असेल. त्यातून या वस्तू जंगलात आढळली असावी.

वाचा: श्रीलंका: उत्सव आयोजित केल्याने हिंदू मंदिराच्या प्रमुखांना अटक

मागील आठवड्यात आढळला होता ५०० किलोचा बॉम्ब

मागील आठवड्यात दक्षिण जर्मन शहर मॅनहेममध्ये एका घराचे बांधकाम सुरू असताना दुसऱ्या महायुद्धाच्या काळातील ५०० किलोंचा बॉम्ब आढळला होता. हा बॉम्ब एखाद्या लढाऊ विमानातून डागण्यात आला होता. मात्र, त्याचा स्फोट झाला नाही आणि हा जमिनीत गाडला गेला. ज्या ठिकाणी हा बॉम्ब सापडला त्या ठिकाणी दुसऱ्या महायुद्धाच्या काळात अमेरिकन लष्कराचा तळ होता.