मटा ऑनलाइन वृत्त । न्यूयॉर्क
जगभरातून टॅलेंट आणि सर्वोत्तम उत्पादने गोळा केली नसती तर अॅपल, आयबीएम, सिस्को आज कुठे असते?... हा प्रश्न विचारलाय रिझर्व्ह बॅँकेचे गव्हर्नर उर्जित पटेल यांनी. अमेरिकेच्या संरक्षणवादी भूमिकेवर त्यांनी जोरदार टीका केली आहे. एका व्याख्यानादरम्यान ते बोलत होते. 'आंतरराष्ट्रीय पातळीवर खुल्या व्यापारी व्यवस्थेमुळे जगाला फायदाच झाला आहे. अमेरिकेचे धोरण याबाबत काय सांगते मला माहीत नाही,' असे ते म्हणाले.
जगातल्या मोठ्या अर्थव्यवस्था संरक्षणवादी धोरणाचा स्वीकार का करत आहेत या प्रश्नाला उत्तर देताना पटेल यांनी वरील विधान केले. कोलंबिया विद्यापीठातल्या इंटरनॅशनल अँड पब्लिक अफेअर स्कूलमध्ये 'भारताचे आर्थिक धोरण' या विषयावरील कार्यशाळेत ते बोलत होते. ते म्हणाले, 'अमेरिकेसह जगातल्या सर्व मोठ्या कंपन्यांच्या शेअर्सच्या किंमती आज ग्लोबल सप्लाय चेनमुळेच इतक्या वाढलेल्या आहेत. मोठमोठ्या कंपन्यांनी त्यांच्या उत्पादन आणि सेवेसाठी जगभरातल्या विविध ठिकाणची उत्पादने आणि टॅलेंट घेतलं नसतं तर या कंपन्यांचे आज अस्तित्वच नसते. संरक्षणवादासारखी धोरणं याच्याआड येत असतील तर अशा धोरणांना समर्थन देणाऱ्या देशातल्या मोठ्या कंपन्या आणि परिणामी ते देश अडचणीत येतील.'
व्यापारी धोरणाबाबत संरक्षणवादी भूमिका घेऊन देश विकासाला प्रतिकूल परिस्थिती निर्माण करू शकतो, असे ते म्हणाले. अमेरिकेच्या धोरणाबाबत स्पष्ट करताना ते म्हणाले, 'अमेरिकेत संरक्षणवादाची मागणी वित्तीय आणि देशांतर्गत वितरणाच्या मुद्द्यांवर होत आहे, मात्र अर्थशास्त्रानुसार, हे मुद्दे देशांतर्गत आर्थिक धोरणाच्या माध्यमातून सोडवायला हवेत.'
जगभरातून टॅलेंट आणि सर्वोत्तम उत्पादने गोळा केली नसती तर अॅपल, आयबीएम, सिस्को आज कुठे असते?... हा प्रश्न विचारलाय रिझर्व्ह बॅँकेचे गव्हर्नर उर्जित पटेल यांनी. अमेरिकेच्या संरक्षणवादी भूमिकेवर त्यांनी जोरदार टीका केली आहे. एका व्याख्यानादरम्यान ते बोलत होते. 'आंतरराष्ट्रीय पातळीवर खुल्या व्यापारी व्यवस्थेमुळे जगाला फायदाच झाला आहे. अमेरिकेचे धोरण याबाबत काय सांगते मला माहीत नाही,' असे ते म्हणाले.
जगातल्या मोठ्या अर्थव्यवस्था संरक्षणवादी धोरणाचा स्वीकार का करत आहेत या प्रश्नाला उत्तर देताना पटेल यांनी वरील विधान केले. कोलंबिया विद्यापीठातल्या इंटरनॅशनल अँड पब्लिक अफेअर स्कूलमध्ये 'भारताचे आर्थिक धोरण' या विषयावरील कार्यशाळेत ते बोलत होते. ते म्हणाले, 'अमेरिकेसह जगातल्या सर्व मोठ्या कंपन्यांच्या शेअर्सच्या किंमती आज ग्लोबल सप्लाय चेनमुळेच इतक्या वाढलेल्या आहेत. मोठमोठ्या कंपन्यांनी त्यांच्या उत्पादन आणि सेवेसाठी जगभरातल्या विविध ठिकाणची उत्पादने आणि टॅलेंट घेतलं नसतं तर या कंपन्यांचे आज अस्तित्वच नसते. संरक्षणवादासारखी धोरणं याच्याआड येत असतील तर अशा धोरणांना समर्थन देणाऱ्या देशातल्या मोठ्या कंपन्या आणि परिणामी ते देश अडचणीत येतील.'
व्यापारी धोरणाबाबत संरक्षणवादी भूमिका घेऊन देश विकासाला प्रतिकूल परिस्थिती निर्माण करू शकतो, असे ते म्हणाले. अमेरिकेच्या धोरणाबाबत स्पष्ट करताना ते म्हणाले, 'अमेरिकेत संरक्षणवादाची मागणी वित्तीय आणि देशांतर्गत वितरणाच्या मुद्द्यांवर होत आहे, मात्र अर्थशास्त्रानुसार, हे मुद्दे देशांतर्गत आर्थिक धोरणाच्या माध्यमातून सोडवायला हवेत.'