काबूल: अफगाणिस्तानचा ताबा घेतल्यानंतर जगात आपली प्रतिमा उजळवण्यासाठी तालिबानने महिलांना समान अधिकार देण्याचे आश्वासन दिले होते. मात्र, महिलांबाबत तालिबानी नेत्यांच्या मनात एक आणि ओठांवर दुसरंच असल्याचे समोर आले आहे. तालिबानी मंत्रिमंडळात महिलांना स्थान दिले जाणार नसल्याचे वक्तव्य एका तालिबानी नेत्याने केले आहे. महिलांनी फक्त मुलांना जन्म द्यावा, अशी मुक्ताफळेही त्याने उधळली.
अफगाणिस्तानमधील 'टोलो न्यूज' या वृत्तवाहिनीने तालिबानी प्रवक्त्याच्या हवाल्याने हे वृत्त दिले आहे. तालिबानच्या प्रवक्त्याने म्हटले की, एक महिला मंत्री होऊ शकत नाही. महिलेला मंत्री करणे म्हणजे एखाद्या व्यक्तीला न झेपणारी जबाबदारी देण्यासारखे आहे. कॅबिनेटमध्ये महिलेचा समावेश असावा याची आवश्यकता नाही. त्यांनी फक्त मुलांना जन्म द्यावा. सध्या आंदोलन करत असलेल्या महिला संपूर्ण अफगाणिस्तानमधील महिलांचे प्रतिनिधीत्व करत नसल्याचेही तालिबानी नेत्याने म्हटले.
अफगाणिस्तानचा ताबा तालिबानने घेतल्यानंतर सामान्य लोक मोठ्या दहशतीत आहेत. मागील काही दिवसांपासून काबूलसह अन्य काही शहरांमध्ये तालिबान सरकारविरोधात आंदोलन सुरू आहेत. या आंदोलनात महिलांचाही समावेश लक्षणीय आहे. महिलांकडूनही समान अधिकार, शिक्षण-रोजगाराच्या अधिकारासाठी आंदोलने सुरू आहेत.
सातत्याने होणाऱ्या निदर्शनांमुळे तालिबानची चिंता वाढली आहे. काही ठिकाणी आंदोलकांना आणि आंदोलनाचे वृत्तांकन करणाऱ्या पत्रकारांना तालिबानने मारहाण केल्याची घटना घडली आहे.
अफगाणिस्तानमधील 'टोलो न्यूज' या वृत्तवाहिनीने तालिबानी प्रवक्त्याच्या हवाल्याने हे वृत्त दिले आहे. तालिबानच्या प्रवक्त्याने म्हटले की, एक महिला मंत्री होऊ शकत नाही. महिलेला मंत्री करणे म्हणजे एखाद्या व्यक्तीला न झेपणारी जबाबदारी देण्यासारखे आहे. कॅबिनेटमध्ये महिलेचा समावेश असावा याची आवश्यकता नाही. त्यांनी फक्त मुलांना जन्म द्यावा. सध्या आंदोलन करत असलेल्या महिला संपूर्ण अफगाणिस्तानमधील महिलांचे प्रतिनिधीत्व करत नसल्याचेही तालिबानी नेत्याने म्हटले.
अफगाणिस्तानचा ताबा तालिबानने घेतल्यानंतर सामान्य लोक मोठ्या दहशतीत आहेत. मागील काही दिवसांपासून काबूलसह अन्य काही शहरांमध्ये तालिबान सरकारविरोधात आंदोलन सुरू आहेत. या आंदोलनात महिलांचाही समावेश लक्षणीय आहे. महिलांकडूनही समान अधिकार, शिक्षण-रोजगाराच्या अधिकारासाठी आंदोलने सुरू आहेत.
सातत्याने होणाऱ्या निदर्शनांमुळे तालिबानची चिंता वाढली आहे. काही ठिकाणी आंदोलकांना आणि आंदोलनाचे वृत्तांकन करणाऱ्या पत्रकारांना तालिबानने मारहाण केल्याची घटना घडली आहे.