पास्ता ऑर्डर करणाऱ्या महिलेने हॉटेलवरच ठोकला ४० कोटींचा दावा, कारण कळताच कोर्टात खळबळ

Ready to Cook Food Risk : आजकाल राजमा-भातापासून ते झटपट इडलीपर्यंत अनेक पदार्थ मिळतात, जे रेडी टू कुक असतात. सध्या मार्केटमध्ये झटपट जेवण बनवून देण्यासाठी कंपन्यांमध्येही स्पर्धा पाहायला मिळते. पण कधीकधी ऑर्डर येण्यास वेळ होतोच. पण वेळेत ऑर्डर देण्याचा दावा करणाऱ्या एका कंपनीला महिलेने चांगलाच धडा शिकवला आहे.

हे दावे गांभीर्याने घेत एका अमेरिकन महिलेने एका फूड कंपनीला कोर्टात खेचले आहे. कारण तिचा पास्ता तयार करण्यास बराच वेळ लागला होता. फ्लोरिडातील एका महिलेने अमेरिकन फूड कंपनी क्राफ्ट हेन्झवर ४० कोटी रुपयांचा दावा ठोकला आहे. या महिलेचा दावा आहे की, ज्या मॅकरोनीला कंपनीने शिजवण्यासाठी ३.५ मिनिटे दिली होती. पण त्या वेळेत ऑर्डर होऊ शकली नाही. 'रेडी टू कुक' फूड कंपनीवर प्रोडक्ट बॉक्सवर लिहिलेल्या वेळेत पदार्थ तयार होत नसल्याचा आरोप संतप्त महिलेने केला आहे.

RBI Imposes Penalty: RBI ने ९ बड्या बँकांवर ठोठावला १.२५ कोटींचा दंड, यामध्ये तुमचंही खातं आहे?
मॅकरोनी बनवण्यासाठी ३.५ मिनिटांपेक्षा जास्त वेळ ...

रिपोर्ट्सनुसार, महिलेने ज्या कंपनीवर गुन्हा दाखल केला आहे त्या कंपनीचे नाव क्राफ्ट हेंज असून ती एक बहुराष्ट्रीय खाद्य कंपनी आहे. अमांडा रामिरेझ असे या महिलेचे नाव असून ती दक्षिण फ्लोरिडा येथील आहे. त्यांनी कंपनीविरुद्ध १८ नोव्हेंबर रोजी फ्लोरिडाच्या मियामी विभागात गुन्हा दाखल केला आहे. महिलेचे म्हणणे आहे की, कंपनीच्या मायक्रोवेव्हेबल शेल्स आणि चीज कपच्या उत्पादनाच्या बॉक्सवर उत्पादनाची वेळ केवळ ३.५ मिनिटे होती, परंतु त्या वेळेत ती तयार नव्हती. त्यानंतर अमांडाने ५-१० लाखांसाठी नव्हे तर संपूर्ण ५ मिलियन डॉलर्स म्हणजेच सुमारे ४० कोटींसाठी केस दाखल केली आहे.