नशीब...! जे लॉटरीचं तिकीट कचऱ्यात टाकलं, त्यानेच बनवले या महिलेला करोडोंची मालकीण

नवी दिल्ली: लॉटरी ही एक अशी गोष्ट आहे, जी कधीही नशीब बदलू शकते. यामुळे तुम्ही रातोरात अरबती होऊ शकता. पण नशीब सर्वांचंच चमकतं असं नाही. खूप कमी लोक असे भाग्यवान असतात जे एका झटक्यात श्रीमंत होतात. अमेरिकेत अशा श्रीमंतांच्या अनेक कहाण्या आहेत. आता या महिलेचीच कहाणी पाहा, तिने तिचे लॉटरीचे तिकीट कचऱ्याच्या डब्यात फेकले होते. पण, नशिबाचा खेळ काही औरच होता. तिने फेकलेल्या तिकिटामुळे ती आज कोट्याधीश झाली आहे.

एका अमेरिकन महिलेने लॉटरीमध्ये सुमारे २,००,००० डॉलर्स म्हणजेच सुमारे १.६ कोटी रुपये जिंकले आहेत. विजेता कोण आहे हे कळण्यापूर्वीच या महिलेने लॉटरीचे तिकीट डस्टबिनमध्ये फेकून दिले. जॅकलिन ले (वय ६०) ने नॉर्थ कॅरोलिना एज्युकेशन लॉटरी अधिकार्‍यांना सांगितले की, तिला ५ डॉलर हॉट ५ स्क्रॅच-ऑफ हे एक विनींग तिकीट आहे, हे माहित नव्हते. मी खरंच ते फेकणार होते, असंही त्यांनी सांगितलं.

हेही वाचा -देश हादरला... लग्न करण्यास नकार दिला, त्याने १९ वर्षीय मारुतीला पेट्रोल ओतून पेटवलं...

आनंदाने ओरडू लागली

या महिलेने सांगितले की, तिने जे तिकीट डस्टबिनमध्ये फेकले होते, त्यामुळे तिला इतके मोठे बक्षीस मिळाले हे जाणून तिचा विश्वासच बसत नव्हता. नातेवाइकांना काही सांगण्यापूर्वीच ती आनंदाने ओरडू लागली. "मी माझ्या मुलीला याबद्दल सांगितले पण तिचाही यावर विश्वास बसला नाही". नॉर्थ कॅरोलिना लॉटरी विजेती महिलेने असा विश्वास व्यक्त केला आहे की १.६ कोटी रुपयांमुळे तिला तिच्या कारचे कर्ज फेडण्यास आणि त्याचा खर्च भागविण्यास मदत होईल.

हेही वाचा -१५ लाख खर्चूनही काम आवडले नाही, पठ्ठ्याने अख्खं स्वयंपाकघरचं पेटवून दिलं...

किराणा घ्यायला गेला आणि करोडपती झाला

गेल्या आठवड्यात अमेरिकेतील मिशिगनमध्ये राहणाऱ्या एका व्यक्तीला लॉटरी लागली होती. त्यांनी सांगितले होते की त्यांच्या पत्नीने किराणा दुकानात पाठवणे त्यांच्यासाठी खूप भाग्यवान ठरले. त्यांनी लॉटरीत १९०,७३६ डॉलर्स म्हणजेच सुमारे १.५ कोटी रुपये जिंकले होते. ४६ वर्षीय प्रेस्टन माकीने सांगितले की, जर त्याला त्याच्या पत्नीचा संदेश मिळाला नसता तर त्याने लॉटरीचे तिकीट विकत घेतले नसते.

हेही वाचा -६ वर्षांची ओळख, अडीच वर्षांपासून प्रेमात, लग्न होणार, तेवढ्यात गर्लफ्रेंडची हकिगत कळाली, मग....