आदिवासी महिलांचे प्रथमच मतदान

अफगाणिस्तानच्या सीमेवर असलेल्या आदिवासी जिल्ह्यांमध्ये महिलांनी प्रथमच बाहेर पडत मतदान केले. ७० च्या दशकात पाकिस्तानात प्रथमच झालेल्या मतदानापासून या सीमेवरील अप्पर दीर येथील महिला त्यांच्या हक्कापासून वंचित होत्या. हा भाग तालिबानचा बालेकिल्ला मानला जातो. आज मात्र या भागातील चित्र वेगळे होते. अप्पर दीर भागातील मतदानकेंद्रांवर महिलांच्या रांगा लागल्या होत्या. महिलांना मतदानापासून रोखण्यात आले तर त्या मतदारसंघातील निवडणूक रद्द केली जाईल असा इशारा निवडणूक आयोगाने काही दिवसांपूर्वी दिला होता. तसेच महिलांचे मतदानाचे प्रमाण १० टक्क्यांपेक्षा कमी झाल्यासही त्या मतदारसंघातील निवडणूक रद्द ठरविण्याचा इशारा आयोगाने दिला होता. अप्पर दीरमध्ये चार लाख ४७ हजार ४१४ मतदार आहेत.

बुरखाधाऱ्याचे पलायन

खैबर पख्तुनवा येथील करक येथे महिलांसाठी असलेल्या मतदानकेंद्रात एक बुरखाधारी व्यक्ती शिरली. त्याचा बुरखा बाजूला करताच त्याने पलायन केले.या घटनेनंतर याठिकाणी मोठ्या प्रमाणावर बंदोबस्त वाढविण्यात आला.