ओमिक्रॉनचा धोका संपला नाही! WHO कडून नवीन अलर्ट जारी, प्रत्येकाला केलं आवाहन

जिनिव्हा : जागतिक आरोग्य संघटना (WHO)ने जगातील सर्व देशांना करोना विषाणूच्या ओमिक्रॉन प्रकाराबद्दल (Omicron Variant) वारंवार इशारा दिला आहे. या जीवघेण्या संसर्गाचा धोका अद्याप संपलेला नाही. त्यामुळे नागरिकांनी काळजी घेण्याचं आवाहन पुन्हा एकदा करण्यात आलं आहे. डब्ल्यूएचओने पुन्हा एकदा म्हटलं आहे की, जगातील अनेक देशांमध्ये ओमिक्रॉनची लाट येणं अद्याप बाकी आहे. त्यामुळे कोविड -१९ निर्बंध हळूहळू शिथिल (Covid-19 Restrictions) केले पाहिजेत. मंगळवारी जागतिक आरोग्य संघटनेच्या कोविड-१९ वरील तांत्रिक आघाडीने ही सूचना केली.

WHO चे सरचिटणीस म्हणाले की, काही देशांमध्ये लसीकरणाचे चांगले दर आणि ओमिक्रॉनच्या कमी प्राणघातकतेमुळे धोका टळला आहे. त्यामुळे अधिक घाबरण्याची गरज नाही. पण यामुळे धोका संपला असा विचार करणं चुकीचं आहे. ते म्हणाले की संसर्ग वाढल्याने मृतांचा आकडाही वाढू शकतो.

corona latest update: मोठा दिलासा! राज्यात आज करोनाच्या रुग्णसंख्येत मोठी घट; ३० हजारांवर रुग्ण झाले बरे
देशांमध्ये पुन्हा लॉकडाऊन लागू करण्याची आवश्यकता नसली तरी, प्रत्येक राज्याने लसीकरणावर भर दिला पाहिजे. नागरिकांनी करोनाशी संबंधित नियमांचं पालन करावं. कारण, या महामारीशी लढण्यासाठी केवळ लस हे एकमेव शस्त्र आहे असे नाही. त्यासाठी आपण आपल्या आरोग्याचीही काळजी घेणं गरजेचं आहे.