इस्लामाबाद: आर्थिकदृष्ट्या कोलमडलेला पाकिस्तान आता जगाच्या नजरेत कचराकुंडी होत चालला आहे. पाकिस्तान ज्या देशांना आपले मित्र समजतो, तेच देश पाकिस्तानला कचराकुंडी समजतात. सौदी अरेबिया, संयुक्त अरब अमिरात यासारखे देश पाकिस्तानला त्यांच्याकडे असणारा कचरा पाठवतात. पर्यावरण बदलाशी संबंधित सिनेटची स्थायी समिती टॉप १० देशांकडून पाकिस्तानात येणाऱ्या कचऱ्याचे आकडे पाहून चकीत झाली. पाकिस्तानला कचरा पाठवणाऱ्या टॉप १० देशांच्या यादीत युनायटेड किंग्डम, इराण, संयुक्त अरब अमिरात, सौदी अरेबिया, अमेरिका, बेल्जियम, जर्मनी, स्पेन, कॅनडा आणि इटलीचा समावेश आहे. पाकिस्तान सरकारच्या सिनेट पॅनलनं कचरा निर्यात करणाऱ्या देशांच्या यादीचा आढावा घेतला. त्यामध्ये अनेक मित्र देशांची नावं असल्याचं पाहून पॅनलमधील सदस्यांना धक्काच बसला. पाकिस्ताननं कचऱ्याच्या आयातीवर कधीच आक्षेप का नोंदवला नाही, असा प्रश्न एका सदस्यानं विचारला. पाकिस्तानच्या दुतावासांनी, मंत्रालयांनी, संबंधित विभागांसह राज्य सरकारांनी हे सगळं रोखण्याचा प्रयत्न का केला नाही, असा सवाल पॅनलकडून उपस्थित करण्यात आला.
बहुतांश विकसित देशांसाठी पाकिस्तान डंपिंग ग्राऊंड असल्याची कल्पना आपल्याला नव्हती, अशी कबुली खासदारांनी दिली. जगातील अनेक देश पाकिस्तानला कचरा पाठवतात याबद्दल खासदारांचा समूह अनभिज्ञ होता. चार वर्षे सत्तेत राहिलेल्या इम्रान खान यांच्या पक्षानं कचऱ्याच्या मुद्द्यावरून सरकारला घेरलं आहे. विशेष म्हणजे खान यांच्या कार्यकाळातही परदेशांमधून पाकिस्तानात कचरा यायचा.
परदेशांमधून येणारा बहुतांश कचरा समुद्र आणि प्रमुख शहरांमध्ये टाकला जातो. विकसित देशांमधून पाकिस्तानला दरवर्षी ८० हजार टन पाठवला जातो. तर पाकिस्तानात दरवर्षी ३ कोटी टन कचरा निर्माण होतो. यामुळे पाकिस्तानच्या डझनभर शहरांमध्ये विषारी वायूचं प्रमाण वाढलं आहे. अनेक शहरांमध्ये असलेल्या रस्त्यांच्या दुतर्फा कचरा पडलेला दिसून येतो. पाकिस्तानात सर्वाधिक कचरा ब्रिटनमधून येतो. ब्रिटन ३८ हजार टन कचरा पाकिस्तानला पाठवतो. त्यानंतर इराण, संयुक्त अरब अमिरात, सौदी अरेबियाचा नंबर लागतो.
बहुतांश विकसित देशांसाठी पाकिस्तान डंपिंग ग्राऊंड असल्याची कल्पना आपल्याला नव्हती, अशी कबुली खासदारांनी दिली. जगातील अनेक देश पाकिस्तानला कचरा पाठवतात याबद्दल खासदारांचा समूह अनभिज्ञ होता. चार वर्षे सत्तेत राहिलेल्या इम्रान खान यांच्या पक्षानं कचऱ्याच्या मुद्द्यावरून सरकारला घेरलं आहे. विशेष म्हणजे खान यांच्या कार्यकाळातही परदेशांमधून पाकिस्तानात कचरा यायचा.
परदेशांमधून येणारा बहुतांश कचरा समुद्र आणि प्रमुख शहरांमध्ये टाकला जातो. विकसित देशांमधून पाकिस्तानला दरवर्षी ८० हजार टन पाठवला जातो. तर पाकिस्तानात दरवर्षी ३ कोटी टन कचरा निर्माण होतो. यामुळे पाकिस्तानच्या डझनभर शहरांमध्ये विषारी वायूचं प्रमाण वाढलं आहे. अनेक शहरांमध्ये असलेल्या रस्त्यांच्या दुतर्फा कचरा पडलेला दिसून येतो. पाकिस्तानात सर्वाधिक कचरा ब्रिटनमधून येतो. ब्रिटन ३८ हजार टन कचरा पाकिस्तानला पाठवतो. त्यानंतर इराण, संयुक्त अरब अमिरात, सौदी अरेबियाचा नंबर लागतो.