डॉक्टर पत्नीवर आला भलताच संशय, किचनमध्ये लावला सिक्रेट कॅमरा अन् खरा ठरला अंदाज...

कॅलिफोर्निया : संशयाने प्रत्येक नात्याला तडा जातो, पण एका डॉक्टरचा याच संशयामुळे जीव वाचला आहे. जर डॉक्टरला त्याच्या बायकोवर संशय आला नसता आणि त्याने स्वयंपाकघरात लपून कॅमेरा बसवला नसता तर तो कदाचित जिवंतही राहिला नसता. हे प्ररकरण कॅलिफोर्नियातलं आहे, जिथे एका डॉक्टर पतीने त्वचारोगतज्ज्ञ पत्नीवर केस दाखल केली आहे.

कॅमेऱ्यात कैद झालं पत्नीचं 'पाप'

मिळालेल्या माहितीनुसार, अमेरिकेतील कॅलिफोर्नियाची इथे पतीने पत्नीवर विष देऊन हत्येचा कट रचल्याचा आरोप करत गुन्हा दाखल केला आहे. पतीने आपल्या आरोपांसोबत एक गुप्त कॅमेराही पोलिसांसमोर सादर केला असून त्यात त्वचारोगतज्ज्ञ पत्नी पतीच्या पेयात ड्रेन क्लीनर मिसळत होती. न्यायालयाच्या कागदपत्रांमध्येही याचा उल्लेख करण्यात आला असून पुरावा म्हणून गुप्त कॅमेरा न्यायालयात जमा करण्यात आला आहे. पत्नी वेगवेगळ्या वेळी पतीच्या पेयात ड्रेन क्लीनर मिसळून गुपचूप पतीला देत असे, असे गुप्त कॅमेऱ्यातून उघड झाले आहे.

Raksha Bandhan 2022 : एक असं गाव जिथे रक्षाबंधनाचा सण साजराच होत नाही, कारण वाचून थक्क व्हाल
संशयास्पद कॅमेरा

न्यायालयीन कागदपत्रांनुसार, पतीला मारण्याचा प्रयत्न केल्याच्या आरोपाखाली अटक केली आहे. महिलेचे वय ४५ असून या महिलेने पती आणि मुलांचे मानसिक आणि शारीरिक शोषण केल्याचे आणि त्यांच्याशी अपमानास्पद संबंध असल्याचे न्यायालयाच्या कागदपत्रांवरून समोर आले आहे.

१० वर्षांपूर्वी झाले होते लग्न

१० वर्षांपूर्वी या दोघांचे लग्न झाले होते आणि नंतर हळूहळू त्यांच्या नात्यात दुरावा आला आणि त्याच दरम्यान, त्यांनी स्वयंपाकघरात एक गुप्त कॅमेरा लावला. त्यानंतर हा धक्कादायक खुलासा झाला आणि पतीचा जीव वाचला. तर या जोडप्याला दोन मुले, एक आठ वर्षांची मुलगी आणि सात वर्षांचा मुलगा आहे.

तवेरा गाडीचे दरवाजे उघडताच पोलीस चक्रावले, अवैधरित्या सुरू होता भयंकर प्रकार
शिवीगाळ आणि मारहाण केल्याचा आरोप

महिलेने वारंवार तिच्या मुलांना मारहाण केली आणि जेव्हा जेव्हा त्यांना झोप येते तेव्हा त्यांचे शारीरिक आणि मानसिक अत्याचार केले. जर मुले तिच्या परवानगीशिवाय झोपली तर ती त्यांना तिच्या खोलीत बोलावून शारीरिक शिक्षा करायची आणि तासनतास जागे ठेवायची.

कसं कळलं विषाबाबत...

पतीने पोलिसांना सांगितले की, या वर्षी मार्च महिन्यापासून तो लिंबूपाणी प्यायचा तेव्हा त्याला विचित्र चव जाणवू लागली. गॅसच्या समस्येपासून सुटका मिळवण्यासाठी डॉक्टरांनी त्यांना गरम लिंबूपाणी पिण्याचा सल्ला दिला होत. त्यानंतर त्यांनी स्वयंपाकघरात एक गुप्त कॅमेरा बसवला, ज्याने हा मोठा खुलासा झाला.