Marathi joke : मास्तर आणि कॅशियर

शाळेतले एक सर मास्तर पैसे काढायला एटीएम केंद्रात गेले. एटीएम मशीन खराब होतं. चेकबुक जवळच असल्यानं ते बँकेत गेले आणि एक हजार रुपयांचा चेक भरून कॅशियरकडे दिला.

कॅशियर म्हणाला, 'सर, पाच हजारांहून कमी रकमेला चार्ज लागेल.' मास्तरांनी दुसरा चेक सहा हजारांचा लिहिला. कॅशियरनं सहा हजार मास्तरांना दिले.

मास्तरांनी त्यातले एक हजार खिशात ठेवले आणि पाच हजार रूपये पुन्हा खात्यात भरण्यासाठी कॅशियरकडे दिले.

कॅशियर चिडला होता. सर म्हणाले, 'हा नियम बनवणारा तुमचा साहेब आहे ना, तो माझ्याच वर्गात शिकत होता. त्याला सांगा, तुझे सर आले होते.'