म. टा. प्रतिनिधी, सांगली: दरोडा टाकण्याच्या तयारीत असलेल्या टोळीला स्थानिक गुन्हे अन्वेषण शाखेच्या पथकाने सापळा रचून जेरबंद केले. मिरज-म्हैसाळ मार्गावर रविवारी मध्यरात्रीच्या सुमारास पोलिसांनी ही कारवाई केली. या कारवाईत चार दरोडेखोरांना पकडण्यात पोलिसांना यश आले. तर एक दरोडेखोर पसार झाला. त्याचा शोध सुरू आहे. पोलिसांनी दरोडेखोरांकडून मिरचीपूड, कोयते, लोखंडी रॉड, हातोडी, मोबाइल जप्त केले आहेत.
स्थानिक गुन्हे अन्वेषण शाखेचे निरीक्षक सर्जेराव गायकवाड यांनी दिलेल्या माहितीनुसार, वाढत्या चोऱ्या रोखण्यासाठी पोलिसांनी गस्त वाढवली आहे. स्थानिक गुन्हे अन्वेषण शाखेचे सहायक पोलिस निरीक्षक रविराज फडणीस यांना मिरज-म्हैसाळ मार्गावर काही संशयितांचा वावर असल्याची माहिती मिळाली होती. यानुसार रविवारी रात्री उशिरा गस्त घालताना वांडरे ट्रेडर्सच्या आडोशाला चार ते पाच संशयित लपून बसल्याचे आढळले. यावेळी पोलिसांनी सापळ रचून त्यांना पकडण्याचा प्रयत्न केला असता, यातील काही जणांनी पळून जाण्याचा प्रयत्न केला. पोलिसांनी पाठलाग करून चौघांना पकडले, तर एक जण पोलिसांना गुंगारा देऊन पळाला.
चौकशीदरम्यान संशयितांच्या उत्तरांमध्ये विसंगती आढळल्याने त्यांची झडती घेतली. यावेळी त्यांच्याकडे धारदार कोयते, लोखंडी रॉड, हातोडी, मिरचीपूड असे दरोड्यासाठी वापरले जाणारे साहित्य सापडले. पोलिसांनी सर्व साहित्य जप्त केले असून, चौघांना अटक केली आहे. पळून गेलेल्या दरोडेखोराचा शोध सुरू आहे. मिरचीपूड डोळ्यात फेकून दरोडे टाकणे आणि जबरी चोरी करण्याच्या उद्देशानेच ही टोळी मिरज-म्हैसाळ मार्गावर वावरत होती, असे पोलिसांनी सांगितले. त्यांच्याकडून काही चोरीच्या गुन्ह्यांची उकल होण्याची शक्यता पोलिसांनी वर्तवली आहे.
स्थानिक गुन्हे अन्वेषण शाखेचे निरीक्षक सर्जेराव गायकवाड यांनी दिलेल्या माहितीनुसार, वाढत्या चोऱ्या रोखण्यासाठी पोलिसांनी गस्त वाढवली आहे. स्थानिक गुन्हे अन्वेषण शाखेचे सहायक पोलिस निरीक्षक रविराज फडणीस यांना मिरज-म्हैसाळ मार्गावर काही संशयितांचा वावर असल्याची माहिती मिळाली होती. यानुसार रविवारी रात्री उशिरा गस्त घालताना वांडरे ट्रेडर्सच्या आडोशाला चार ते पाच संशयित लपून बसल्याचे आढळले. यावेळी पोलिसांनी सापळ रचून त्यांना पकडण्याचा प्रयत्न केला असता, यातील काही जणांनी पळून जाण्याचा प्रयत्न केला. पोलिसांनी पाठलाग करून चौघांना पकडले, तर एक जण पोलिसांना गुंगारा देऊन पळाला.
चौकशीदरम्यान संशयितांच्या उत्तरांमध्ये विसंगती आढळल्याने त्यांची झडती घेतली. यावेळी त्यांच्याकडे धारदार कोयते, लोखंडी रॉड, हातोडी, मिरचीपूड असे दरोड्यासाठी वापरले जाणारे साहित्य सापडले. पोलिसांनी सर्व साहित्य जप्त केले असून, चौघांना अटक केली आहे. पळून गेलेल्या दरोडेखोराचा शोध सुरू आहे. मिरचीपूड डोळ्यात फेकून दरोडे टाकणे आणि जबरी चोरी करण्याच्या उद्देशानेच ही टोळी मिरज-म्हैसाळ मार्गावर वावरत होती, असे पोलिसांनी सांगितले. त्यांच्याकडून काही चोरीच्या गुन्ह्यांची उकल होण्याची शक्यता पोलिसांनी वर्तवली आहे.