MCA Scorer: मेहनत व जिद्द असली की यश मिळतंच, फॅशन डिजायनर ते मुंबईची महिला स्कोअरर थक्क करणारा प्रवास

गीता रावत यांची मुलगी सध्या एमआय ज्युनियर लीग या स्पर्धेच्या चौथ्या हंगामात खेळत आहे. याच स्पर्धेत तीच्या आई गीता रावत या स्कोअरर म्हणून काम सांभाळत आहे. इच्छाअसूनही लहान वयात स्वतःला क्रिकेट खेळता आले नाही हे स्पेन आणि हौस त्या सध्या आपल्या मुलीकडून पूर्ण करुन घेतायत.आजच्या तरुण मुलींना आपले कौशल्य दाखवण्यासाठी हे व्यासपीठ मिळाले आहे. यासाठी त्यांनी आयोजकांचे आभार मानले आहेत.

मुलीच्या प्रशिक्षकांकडून मार्गदर्शन

रावत यांच्या मुलीचे प्रशिक्षक इकबाल ठाकूर यांनी या क्षेत्राशी त्यांना परिचय करून दिला. पुढे यासाठी आवश्यक स्कोअररचा कोर्स करण्यास त्यांनी सांगितले. क्रिकेट या खेळाच्या क्षेत्रात काहीतरी करावं अशी त्यांची नेहमीच इच्छा होती. बालवयात क्रिकेटर बनू शकल्या नाहीत, म्हणून त्यांनी स्कोअरर होण्याचा निर्णय घेतला. कोर्स पूर्ण झाल्यानंतर रावत यांनी प्रथम शालेय स्पर्धांमध्ये स्कोअरर म्हणून सुरुवात केली आणि नंतर अधिक आत्मविश्वास मिळवून खासगी स्पर्धांमध्येही स्कोअरर म्हणून काम करण्यास सुरुवात केली.

बोरीवलीतून प्रवासाला सुरुवात

रावत यांनी सर्वप्रथम बोलीवलीतील व्ही के कृष्ण मेनन शाळेतील स्पर्धेत स्कोअरर म्हणून काम केले, यानंतर हळूहळू त्यांना काम मिळू लागले व त्यांच्या ज्ञानात देखील भर पडू लागली. त्यांनी एमसीएची स्कोअरर म्हणून सुरुवात केली आणि आज तब्बल ५ वर्षे एक यशस्वी स्कोअरर म्हणून त्यांचे काम सुरु आहे.

फॅशन डिजायनर म्हणून काम

फॅशन डिजायनर म्हणून रावत यांनी एका खाजगी कंपनीत नोकरी केली. मात्र क्रिकेटमधील रसिकेतेने त्यांना मैदानावर खेचून आणले. रावत यांनी सांगितले की, एमसीएमधील उत्कृष्ट स्कोअरर होण्यासाठी त्या सदैव प्रयत्नशील राहतील. या क्षेत्रात त्यांना अधिक सक्रियतेने काम करायचे आहे.

मुंबई संघाकडून तरुण महिला खेळाडूंसाठी आयोजित होणारी ही स्पर्धा एक महत्त्वाचा उपक्रम आहे. स्पर्धेत ५००हून अधिक संघ व ८०००हून अधिक विद्यार्थ्यांनी सहभाग नोंदवला आहे.