आफ्रिकेच्या या खेळाडूची फलंदाजी बघून आली डिव्हिलीअर्सची आठवण, २० वर्षीय खेळाडूचे दमदार पदार्पण

दक्षिण आफ्रिकेच्या जॉर्ज वॉन हिर्डनने घानाविरुद्ध पतर्पणातच अविस्मरणीय कामगिरी केली आहे . पुरुष आफ्रिकन गेम्समध्ये दक्षिण आफ्रिकेसाठी पहिला टी-२० आंतरराष्ट्रीय सामना खेळणाऱ्या जॉर्ज वॉन हिर्डनने ५७ चेंडूत १०७ धावांची दमदार खेळी केली. या खेळीत त्याने ७ षटकार आणि ८ चौकारही लगावले. या सामन्यात जॉर्ज वॉन हिर्डनही दक्षिण आफ्रिकेचे नेतृत्व करत होता. अशाप्रकारे या खेळाडूने कर्णधार म्हणून पदार्पण केले आणि अप्रतिम खेळी खेळला आहे.

फलंदाजी बघून झाली डिव्हिलियर्सची आठवण

उजव्या हाताने फलंदाजी करणाऱ्या जॉर्ज वॉन हिर्डनची खेळण्याची शैली अगदी माजी दिग्गज एबी डिव्हिलियर्ससारखी आहे. मैदानाच्या सर्व बाजूला फटके मारण्याची क्षमता असल्यामुळे या खेळाडूत डिव्हिलियर्सची झलक पाहायला मिळते.आता, असे म्हणता येईल की आधुनिक क्रिकेटमध्ये दक्षिण आफ्रिकेला एबी डिव्हिलियर्सला तोडीस टोस देणारा खेळाडू मिळाला आहे. देणारा खेळाडू मिळणार आहे, ज्याच्याकडे केवळ आपल्या फलंदाजीनेच नव्हे तर कर्णधारपदानेही संघाला पुढे नेण्याची क्षमता आहे.

आफ्रिकेने सामन्यावर मिळवला विजय

घानाविरुद्धच्या या सामन्यात दक्षिण आफ्रिकेचा कर्णधार जॉर्ज वॉन हिर्डनने नाणेफेक जिंकून प्रथम फलंदाजी करण्याचा निर्णय घेतला होता. हेन्रिक पीटरसे आणि माहिल जोसेफ याने डावाची सुरुवात केली. जोसेफ केवळ ७ धावा करून बाद झाला असला तरी कर्णधार हिर्डनसह हेनरिक पीटरसेने फलंदाजीत खळबळ उडवून दिली. हेन्रिक पीटरसेने 34 चेंडूत ६२ धावांची शानदार खेळी केली. या खेळीत त्याने ४ चौकार आणि ३ षटकारही मारले. याशिवाय लेहान बोथानेही अप्रतिम फलंदाजी दाखवली. बोथाने २५ चेंडूत ५ चौकार आणि ३ षटकारांच्या मदतीने ४६ धावा केल्या. अशाप्रकारे घानासमोर दक्षिण आफ्रिकेने २० षटकांत २ गडी गमावून २३७ धावा केल्या.