म्हणून दीपिकाने कितीही स्टायलिश व ग्लॅमरस गाउन परिधान करून टोंड फिगर फ्लाँट केली तरीही जेव्हा ती पारंपरिक पेहरावामध्ये एखाद्या कार्यक्रमामध्ये पोहोचते तेव्हा तिचे रूप निराळंच दिसतं. देशातील श्रीमंत उद्योगपती मुकेश अंबानी यांची लाडकी लेक ईशा अंबानीच्या संगीत कार्यक्रमामध्येही याचीच झलक पाहायला मिळाली. या कार्यक्रमासाठी दीपिकाने सुंदर साडी नेसून सर्वांचं लक्ष वेधून घेतलं होतं. (फोटो सौजन्य - इंडिया टाइम्स)
(सोनमच्या लग्नात ऐश्वर्यावर भारी पडली या उद्योगपतीची पत्नी, तिच्या सौंदर्याकडे लोक वळूनवळून होते पाहत)
नववधूपेक्षाही दिसत होती सुंदर
मुकेश अंबानी (Mukesh Ambani) आणि नीता अंबानी (Nita Ambani) यांची लाडकी लेक ईशा अंबानीनं (Isha Ambani) आनंद पीरामलसह २०१८मध्ये लग्नगाठ बांधली. लग्नकार्यामध्ये होणाऱ्या अन्य कार्यक्रमाचंही जल्लोषात आयोजन करण्यात आलं होतं. ज्यामध्ये संगीत सोहळ्यामध्ये सर्वाधिक धमाल पाहायला मिळाली. लग्नापूर्वी ईशा-आनंदचा प्री-वेडिंग उत्सव उदयपूरमध्ये आयोजित करण्यात आला होता. ज्यामध्ये बी-टाउनमधील कित्येक सेलिब्रिटींनी हजेरी लावली होती. दीपिका पादुकोण व रणवीर सिंह देखील सहभागी झाले होते. दीपिकाने पार्टीसाठी साधे पण फ्युजन लुकमधील आउटफिट निवडलं होतं. ज्यामुळे ती नववधूपेक्षाही खूप सुंदर दिसत होती.
मॉडर्न नववधूप्रमाणे दिसत होती दीपिका
ईशाच्या संगीत कार्यक्रमासाठी दीपिकाने स्ट्रायकिंग पॅटर्नमधील लाल रंगाची साडी नेसली होती. ही साडी Faabiiana या जयपूर स्थित प्रसिद्ध फॅशन लेबलची होती. साडी स्टायलिश दिसावी यासाठी पदर व हेमलाइनवर फ्रिंज डिटेलिंग वर्क करण्यात आलं होतं. दीपिकाने हॉल्टर नेकलाइन पॅटर्नमधील ब्लाउज घातल्यानं तिचा लुक ग्लॅमरस व सेक्सी दिसतोय. आउटफिटमध्ये प्लीटेड डिटेलिंग कमी ठेवण्यात आले होतं. दीपिकाने या साडीमध्ये आपली टोंड फिगर फ्लाँट करण्याची एकही संधी सोडली नाही.
(सुहाना खानने बिकिनी घालून छोट्या भावासह काढले फोटो, संतापलेले नेटकरी म्हणाले…)
दीपिकाचा परफेक्ट लुक
दीपिकाने साडीवर हायनेक ब्लाउज घातला होता, कटआउट स्लीव्ह्जमुळे लुक सुंदर दिसतोय. ब्लाउजवर देखील कोणत्याही प्रकारचे वर्क करण्यात आले नव्हते. यामुळे हा साधा लुकही ट्रेंडी दिसत होता. तुम्ही देखील ही टीप लक्षात ठेवा स्किनफिटिंग ब्लाउजवर साडीचा पदर सैल सोडला तर तुमचा लुक बिघडण्याची शक्यता आहे.
दीपिकाने घातले होते आकर्षक दागिने
दीपिकाने आपल्या आउटफिटव्यतिरिक्त स्टायलिंगचीही पुरेपूर काळजी घेतली होती. साधारणतः हायनेक ब्लाउजवर चोकर किंवा अन्य कोणतंही नेकलेस मॅच करू नका, असा सल्ला दिला जातो. पण स्टाइल आयकॉन दीपिका पादुकोणनं हा नियम मोडल्याचं आपण या फोटोमध्ये पाहू शकता. हायनेक ब्लाउजवर तिनं मल्टी-लेअर्ड नेकलेस आणि ड्रॉपडाउन ईअररिंग्ज मॅच केले होते. सोन्याच्या बांगड्यांसह तिनं लाल चुडा देखील घातला होता. परफेक्ट लुक मिळावा यासाठी दीपिकाने लाइट टोन फाउंडेशनसह चमकदार आयशॅडो-चॉकलेटी रंगाचे लिपस्टिक, ड्रमॅटिक लाइनर, बीमिंग हाइलाइटर आणि सिग्नेचर पोनीटेल हेअरस्टाइल, असा लुक कॅरी केला होता.
(मलायका व अरबाजची हॉट गर्लफ्रेंड पार्टीत आमनेसामने, ‘ती’च्या मोहक सौंदर्याकडे सर्वजण पाहत होते एकटक)