गीता खेडेकर जुन्या सिनेमातल्या बेल बॉटम पॅंट्स आठवतायत का? त्याच त्या थोड्या घेरदार आणि गुडघ्याकडून सैल. आता या परत फॅशनमध्ये आल्यात. बॉलीवूड अभिनेत्रीही आता अनेक इव्हेंटमध्ये ही फॅशन मिरवू लागल्या आहेत. नुकतंच 'उडता पंजाब'च्या ट्रेलर लाँचला करिनाने बेल बॉटम पँट घातली होती. शिल्पा शेट्टी, दिपीका पदुकोन, यांसारख्या अभिनेत्रींनीही बेल बॉटम पँट्सना पसंती दिली आहे. लोअर वेस्ट बेल बॉटमसह हाय वेस्ट बेल बॉटम पँट्स दोन्हीही प्रकारच्या पँट्सना सेलिब्रिटींनी पसंती दिली आहे. शॉपिंगपासून पार्टीपर्यंत कोणत्याही प्रसांगाला तुम्ही या पँट्स घालू शकता. लूक जरी एक दशकापूर्वीचा असला तरी तुम्ही नवीन फॅशनप्रमाणे टॉप कोणताही घालू शकता. या पँट्सवर क्रॉप टॉप भारी वाटेल. बेल बॉटम्सवर टॉप घाला आणि तो इन करुन त्यावर जॅकेट घाला. बेल बॉटम्सवर शर्ट ही स्मार्ट लूक देतो. तुम्हाला ९०च्या दशकातल्या लूकसोबत हटके कॉम्बीनेशन करायचे असेल तर या पँट्ससोबत ट्युनिक टॉप घालू शकता. पँटच्या रंगाचाच क्रॉप टॉप घातला तर टु पिस सारखा लूक येईल. आता या पँट्सवर छानसे हिल्स किंवा पम्पशूज घाला. उंची कमी असलेल्या मुली बेलबॉटम्स घालायला घाबरतात. पण हाय हिल्स घालून तुम्ही आपला लुक उमदा बनवू शकता. त्यामुळे बिनधास्त घाला बेलबॉटम!
जादू बेल बॉटमची
जुन्या सिनेमातल्या बेल बॉटम पॅंट्स आठवतायत का? त्याच त्या थोड्या घेरदार आणि गुडघ्याकडून सैल. आता या परत फॅशनमध्ये आल्यात. बॉलीवूड अभिनेत्रीही आता अनेक इव्हेंटमध्ये ही फॅशन मिरवू लागल्या आहेत. नुकतंच 'उडता पंजाब'च्या ट्रेलर लाँचला करिनाने बेल बॉटम पँट घातली होती. शिल्पा शेट्टी, दिपीका पदुकोन, यांसारख्या अभिनेत्रींनीही बेल बॉटम पँट्सना पसंती दिली आहे.
Maharashtra Times 23 Jun 2016, 12:12 am