(सोनम कपूरच्या बहिणीनं लग्नाच्या एक महिन्यानंतर घातला इतका हॉट ड्रेस, पती करणही झाला घायाळ)
याचीच झलक राखी पौर्णिमेच्या दिवशीही पाहायला मिळाली होती. श्वेता बच्चन आपली लाडकी लेक नव्या नवेली नंदा आणि मुलगा अगस्त्य नंदासह माहेरी पोहोचली होती. रक्षाबंधनानिमित्त तिची वहिनी ऐश्वर्या रायनंही सुंदर पोषाख परिधान केला होता. तसंच तिची लाडकी लेक आराध्या बच्चननंही पारंपरिक पेहराव परिधान केल्याचं पाहायला मिळालं. (सर्व फोटो : इंस्टाग्राम@ shwetabachchan आणि @abhishekbachchan)
(जेनेलिया डिसूझाचा लाल रंगाच्या साडीतील मनमोहक मराठमोळा लुक, फोटोवर चाहत्यांकडून प्रेमाचा वर्षाव)
श्वेता बच्चननं परिधान केला कटवर्कमधील गुलाबी रंगाचा ड्रेस
सर्वप्रथम आपण बच्चन कुटुंबाची लाडकी लेक श्वेताच्या लुकबद्दल चर्चा करूया. श्वेतानं फिकट गुलाबी रंगाच्या ड्रेसची निवड केली होती. लाँग कुर्ता आणि त्याखाली प्लाझो पँट तिनं परिधान केली होती. कुर्त्यावर पूर्णतः कटवर्क एम्ब्रॉयडरी वर्क करण्यात आलं होतं, यासह सीक्वन देखील लावण्यात आले होते. नेट फॅब्रिकपासून तयार करण्यात आलेल्या दुपट्ट्यावर सुंदर बॉर्डरही आपण पाहू शकता. श्वेताने ड्रेसवर कमीत कमी दागिने घालण्यावर भर दिला होता. तिनं केवळ सोन्याचे ब्रेसलेट आणि वजनानं हलके असणारे नेकलेस घातले होते. यासह तिनं कपाळावर टिकली, मोहक मेकअप आणि साध्या पद्धतीची हेअरस्टाइल असा लुक कॅरी केला होता.
(Mira Rajput मीरा राजपूतनं डिझाइनर साडी नेसून फ्लाँट केली टोंड फिगर, पती शाहिदही झाला फिदा)
साध्या ड्रेसमध्येही खुलले ऐश्वर्याचे सौंदर्य
बच्चन घराण्याची सून ऐश्वर्या रायनं देखील अगदी साधा लुक कॅरी केला होता. पण या ड्रेसमध्येही तिचे सौंदर्य अधिक खुलले होते. ऐश्वर्यानं कॉटन फॅब्रिकच्या ड्रेसची निवड केली होती. ऑफ व्हाइट शेडमधील या सेटमध्ये लाँग कुर्ता आणि प्लाझोचा समावेश होता. ड्रेसच्या बॉर्डरवर पातळ पट्टी जोडण्यात आली होती. हेच डिझाइन दुपट्ट्यावरही दिसत होतं.
सर्वांवर भारी पडला सूनबाईचा लुक
ऐश्वर्याने कमीत कमी मेकअप करण्यावर भर दिला होता, यासाठी तिनं आइलाइनर आणि लाल रंगाचं लिपस्टिक अशा ब्युटी प्रोडक्ट्सचा उपयोग केला होता. तसंच तिनं सोन्याच्या बांगड्या, अंगठी, गोल्डन ईअररिंग्ज आणि ब्रेसलेट असे दागिने घातले होते. डोक्यापासून ते पायापर्यंत ऐश्वर्या इतकी मोहक दिसत होती की तिच्या रूपावरच सर्वांचीच नजर खिळून राहील. तसंच तिचा हा साधा लुक नणंद श्वेता बच्चनवरही भारी पडला.
आराध्या बच्चनही दिसत होती गोंडस
रक्षाबंधन सणानिमित्त सुंदर पोषाख परिधान करून आराध्या बच्चननंही सर्वांचंच लक्ष वेधून घेतलं. अभिषेक-ऐश्वर्याच्या लाडक्या लेकीनं ऑफ व्हाइड शेडमधील लेहंगा परिधान केला होता. तिनं ए-लाइन स्कर्ट आणि त्यावर स्लीव्हलेस चोळी घातली होती. कलरब्लॉक इफेक्ट क्रिएट करण्यासाठी तिनं लाल रंगाचा दुपट्टा मॅच केला होता. आराध्याने प्रिंटेड लेहंग्यासह मोत्यांचे ईअररिंग्स मॅच केले होते. एकूणच या पारंपरिक पेहरावामध्ये आराध्या खूपच गोंडस दिसत होती.