सोनाली बेंद्रेनं नव्या लुकमधील फोटो केले शेअर, चाहते म्हणाले...

अभिनेत्री सोनाली बेंद्रेचे (Sonali Bendre) वय ४५ वर्ष एवढं आहे. पण मोहक सौंदर्यामुळे तिच्या वयाचा अंदाज लावणं खरंच कठीण आहे. सोनाली बेंद्रेने कर्करोगाविरोधात यशस्वी लढा दिला. यानंतर सोनालीच्या आयुष्यामध्ये बरेच बदल पाहायला मिळत आहेत. लोक काय विचार करतीत किंवा म्हणतील? याबाबतचा अधिक विचार सोनाली करताना दिसत नाही. याचेच उदाहरण द्यायचे झाले तर तिने नुकतेच सोशल मीडियावर आपले नवीन फोटो शेअर केले आहेत.
(आराध्या आणि ऐश्वर्या राय-बच्चनची सेम-टू-सेम स्टाइल, पाहा फोटो)


सोनालीने इन्स्टाग्रामवर आपले तीन फोटो शेअर केले आहेत, ज्यामध्ये तिचा बोल्ड अंदाज आपल्याला पाहायला मिळत आहे. बऱ्याच दिवसांच्या अंतराने चाहत्यांना आपल्या आवडत्या अभिनेत्रीचा ग्लॅमरस लुक पाहायला मिळाला. सोनालीचा हा स्टायलिश लुक फॅन्सना खूप आवडला. तिच्या फोटोचे भरभरून कौतुक केलं जात आहे.
(जेव्हा अंकिता लोखंडेनं परिणिती चोप्राची स्टाइल केली होती कॉपी, चाहते म्हणाले…)

असा आहे सोनाली बेंद्रेचा लुक
सोनाली बेंद्रेने लेदर पँट परिधान केल्याचे या फोटोमध्ये दिसत आहे. स्किन फिट पँटमध्ये सोनालीला परफेक्ट लुक मिळाला आहे. यासह तिनं क्रीम रंगाचे डीप नेकलाइन डिझाइन स्वेटर परिधान केले आहे. तसंच सोनालीने या स्वेटरला एका बाजूने स्लँटिंग लुक दिला आहे. या सुंदर अभिनेत्रीनं स्पेगटी स्लीव्ह्ज असलेली काळ्या रंगाची लेस ब्रालेटही परिधान केली होती. आपल्या स्टायलिश अवतारास परफेक्ट लुक देण्यासाठी सोनालीनं पायामध्ये क्रीम रंगाचेच स्पोर्ट्स शूज घातले होते.
(जेव्हा ऐश्वर्या रायनं नेसली होती अशी साडी, तिला पाहण्यासाठी झाली होती गर्दी)

सोनालीचा हा लुक अतिशय सुंदर, मोहक आणि स्टायलिश होती. तिच्या या लुकने चाहत्यांची मने जिंकली. हे फोटोशूट खुद्द सोनालीलाही भरपूर आवडले आणि हीच बाब तिने फोटोच्या कॅप्शनमध्येही नमूद केली आहे.
(समुद्रकिनाऱ्यावर अनुष्का शर्माचं बोल्ड फोटोशूट, विराट कोहलीनं दिली ‘ही’ प्रतिक्रिया)