लव्हेंडर पेस्टल स्ट्रिप्स शर्ट
सिनेमा ‘बॉबी’मध्ये दिग्दर्शकानं अभिनेत्री डिम्पल कपाडिया यांच्या पोषाखाची जेवढी काळजी घेतली होती, त्याहून अधिक पटीनं ऋषी कपूर यांच्या वेशभूषेबाबत विचार करण्यात आला होता. या सिनेमातील एका दृश्यासाठी ऋषी कपूर यांनी व्हायोलेट रंगाच्या ट्राव्हझरसह पॉलिएस्टर फॅब्रिकचे लव्हेंडर रंगाचे पेस्टल स्ट्रिप्स शर्ट परिधान केले होते. त्या काळात या लुकमुळे ऋषी कपूर यांना फॅशनेबल स्टार म्हणून प्रसिद्धी मिळाली होती. यानंतर रंगीबेरंगी शर्टचा ट्रेंड देखील सुरू झाला होता.
(वाचा : मधुबाला यांच्या या 7 फॅशन स्टाइल, बॉलिवूडमधील प्रत्येक अभिनेत्री आजही करते फॉलो)
मोनोग्राम प्रिंट शर्ट
ऋषी कपूर यांनी त्यांच्या काळात मोनोग्राम प्रिंट शर्टचा ट्रेंड सुरू केला. त्यांच्या या फॅशन स्टाइलनं अक्षरशः धुमाकूळ घातला होता. कारण दूर-दूरवर या स्टायलिश फॅशनबाबत कोणालाही माहिती नव्हती. चित्रपट ‘बॉबी’च्या एका सीनमध्ये हिक्रोय रंगाच्या पँटवर पांढरा आणि काळा अशी रंगसंगती असलेला मोनोग्राम प्रिंट शर्ट ऋषी कपूर यांनी परिधान केला होता. प्रेक्षकांना त्यांचा हा लुक प्रचंड आवडला. बॉलिवूडमधील रोमँटिक हीरो म्हणून ऋषी कपूर यांना प्रसिद्धी मिळाली होती. यामुळेच त्यांच्या फॅशन स्टाइलची चाहत्यांमध्ये मोठ्या प्रमाणात क्रेझ पाहायला मिळत असे.
(वाचा : दीपिका पादुकोणपासून ते जेनिफर विंगेट, कोणता साडी लुक तुम्हाला जास्त आवडला?)
चेक्ड स्वेटर
ऋषी कपूर यांनी आपला आयकॉनिक सिनेमा ‘चांदनी’मध्ये (Chandni) एकापेक्षा एक सरस असे आउटफिट्स परिधान केले होते. पण यातील चेक्ड व्हाइट अँड ब्ल्यू स्वेटरमुळे फॅशन इंडस्ट्रीमध्ये धुमाकूळ पाहायला मिळाली. ऋषी कपूर (Rishi Kapoor Fashion Style) यांच्या नवीन लुकमुळे त्यांच्या काळातील तरुणांमध्येही स्वेटरची फॅशन ट्रेंडमध्ये आली होती. ऋषी कपूर कोणत्याही स्टायलिश लुकमध्ये अप्रतिमच दिसत. आपल्या लुकमध्ये ते नेहमी नवनवीन प्रयोग करत असत.
(वाचा : विकी कौशलच्या ‘या’ हिरोईननं फोटो शेअर करून इन्स्टाग्रामवर उडवला धुरळा)
डेनिमचा फॅशन ट्रेंड
तरुण-तरुणी आजही डेनिमची फॅशन फॉलो करतात. पण तुम्हाला माहिती आहे का? डेनिमचं फॅशन हिट करण्यामागील क्रेडिट देखील ऋषी कपूर यांनाच जाते. ऋषी कपूर आणि नीतू सिंह या जोडीवर चाहत्यांनी भरभरून प्रेम केलं. ऋषी कपूर आणि नीतू सिंह यांच्या प्रत्येक गोष्टींचे अनुसरण त्यांचे चाहते करत असत. या दोघांची ड्रेसिंग स्टाइल अप्रतिम अशीच होती. नीतू कपूर यांच्यासोबतच्या एका सिनेमामध्ये ऋषी कपूर मोठ्या पडद्यावर डेनिम लुकमध्ये झळकले होते. पाहता-पाहता हा लुक देखील ट्रेंडमध्ये आला.
(वाचा : बिग बी अमिताभ बच्चन जुन्या कपड्यांचं काय करतात?)
ओव्हरकोट जॅकेट
शर्टसोबत जॅकेट (Overcoat Jacket Fashion) परिधान करण्याची स्टाइल देखील ऋषी कपूर यांच्यामुळेच हिट झाली. 1995 साली सिनेमा ‘याराना’मध्ये माधुरी दीक्षित आणि ऋषी कपूर यांची जोडी प्रेक्षकांना पाहायला मिळाली होती. यामध्ये ऋषी कपूर यांनी निळ्या रंगाच्या लांब शर्टसह लाल रंगाचा ओव्हरकोट जॅकेट परिधान केला होता. या सिनेमातील त्यांचा हा लुक इतका जबरदस्त होता की प्रत्येक जण ही स्टाइल कॉपी करू लागला.
(वाचा : Health Benefits Of Wearing Silk :सिल्क कपडे परिधान करण्याचे हे आहेत फायदे)