फॅन 'मिस इंडिया'चा एफबीबी फेमिना मिस इंडिया २०१६ या इव्हेंटला चार चांद लागले ते किंग खानमुळे. किंग ऑफ रोमान्स शाहरुखने काही लोकप्रिय रोमँटिक गाण्यांवर या पाच मुलींसोबत डान्स केला. तसंच या मुलींना गुलाबाचं फुल दिलं. शाहरुखबरोबर नाचण्याचा आनंद प्रत्येक मुलीच्या डोळ्यात दिसत होता. आजवर जेवढ्या मिस इंडिया झाल्यात त्यांचा मी फॅन आहे असं सांगत त्यानं विजेत्या मुलींची नावं जाहीर केली. दियाचा खास सन्मान सोळा वर्षांपूर्वी मिस इंडियाचा किताब पटकावणारी अभिनेत्री दिया मिर्झा गेली अनेक वर्ष बॉलिवूडमध्ये चमकतेय. शिवाय अनेक सामाजिक कामांमध्येही तिचा सक्रिय सहभाग असतो. या सगळ्या कामांची दखल घेत तिला 'मिस इटर्नल ब्युटी' हा खास पुरस्कार देऊन गौरवण्यात आलं. मिस मल्टी मीडिया या स्पर्धेच्या अंतिम फेरीत पोहोचलेल्या मराठमोळ्या ज्ञानदा श्रुंगारपुरे हिला ‘मिस मल्टी मीडिया’ हे टायटल देऊन गौरवण्यात आलं. महत्वाचं म्हणजे यामुळे तिला थेट अंतिम दहामध्ये प्रवेश मिळाला.
रुपानं देखणी...
किंग ऑफ रोमान्स शाहरुख, लाखो तरुणींचा लाडका अर्जुन कपूर यांच्याबरोबरीनं बॉलिवूडची दिग्गज मंडळी ‘त्या’ एकवीस सौंदर्यवतींच्या देखण्या रुपावर भाळली होती. निमित्त होतं 'एफबीबी फेमिना मिस इंडिया २०१६'च्या अंतिम फेरीचं. अत्यंत मानाच्या समजल्या जाणाऱ्या या स्पर्धेच्या अंतिम फेरीची ही खास क्षणचित्रं…
Maharashtra Times 11 Apr 2016, 2:49 am