जान्हवी कपूरची साडीतील हटके स्टाइल, रक्षाबंधनासाठी तुम्हीही ट्राय करू शकता हे लुक

रक्षाबंधनाला तरुणी ट्रेंडिंग पोषाख परिधान करणं पसंत करतात. पण यंदा तुम्हाला साडी नेसायला आवडेल का? साडीमुळे बोरिंग लुक मिळेल असे तुम्हाला वाटत असेल तर एकदा जान्हवी कपूरचा साडी लुक नक्की पाहा. यापैकी एखादी स्टाइल तुम्ही फॉलो केली तर रक्षाबंधनाच्या दिवशी नक्कीच तुम्हाला हटके आणि सुंदर लुक मिळेल.

बांधनी साडी
जान्हवी कपूरनं एका कार्यक्रमासाठी मनीष मल्होत्रानं डिझाइन केलेली बांधनी साडी नेसली होती. ही साडी सिल्क मटेरिअलची आहे. ड्युअल टोन असणाऱ्या या साडीच्या बॉर्डरवर गोल्डन फ्रिंज डिझाइन करण्यात आलं होतं. निळ्या आणि हिरव्या रंगाच्या शेड डिझाइनमध्येही गोल्डन प्रिंट दिसत आहे. या साडीवर जान्हवीने स्क्वेअर नेकलाइन आणि स्लीव्हलेस ब्लाउज परिधान केला होता. गळ्यामध्ये स्टेटमेंट चोकर घातले होते. तर सैल अंबाड्याची हेअर स्टाइल केली होती.

जॉर्जेट साडी
जॉर्जेटची साडी वजनाने हलकी असते. जान्हवीच्या या गडद गुलाबी रंगाच्या साडीवर गोल्डन बॉर्डर आहे. या साडीवर तिनं हॉल्टर नेक ब्लाउज परिधान केलं आहे आणि यावर तिनं स्टेटमेंट नेकलेस तसंच अंगठीही मॅच केली आहे. हेअर स्टाइल म्हणून साध्या स्वरुपातील पण स्टायलिश लुक देणारी वेणी बांधली आहे.

साडीवरील नक्षीकाम
एका कार्यक्रमासाठी जान्हवीनं ही लाल रंगाची साडी नेसली होती. या साडीच्या बॉर्डरवर लाल एम्ब्रॉयडरी आणि सीक्वेंस वर्क करण्यात आलं आहे. ही साडी अतिशय स्टायलिश आहे. जान्हवीनं या साडीवर डीप कट नेकलाइन डिझाइन असणारे ब्लाउज परिधान केलं आहे आणि बीच वेव हेअर स्टाइल केली होती.

पिंक शिफॉन साडी
जान्हवीनं पिंक रंगाच्या साडीतील फोटो इन्स्टाग्रामवर शेअर केल्यानंतर चाहत्यांनी त्यावर कमेंट आणि लाइकचा अक्षरशः पाऊस पाडला होता. अर्पिता मेहतानं ही साडी डिझाइन केली होती. या साडीच्या ब्लाउज आणि बॉर्डरवर रंगीत धाग्यांच्या मदतीने नक्षीकाम करण्यात आलं होतं. यावर जान्हवीनं मांग टिका आणि सुंदर बांगड्या मॅच केल्या होत्या.

कांजीवरम साडी
कांजीवरम साडीचे वैशिष्ट्य म्हणजे ही साडी नेसल्यानंतर तुम्हाला वजनदार दागिन्यांची आवश्यकता भासत नाही. या साडीमुळेच तुम्हाला परफेक्ट लुक मिळतो. जान्हवीनं दोनदा वेगवेगळ्या डिझाइनची कांजीवरम साडी नेसली होती. तिचे दोन्ही लुक अतिशय सुंदर आणि मोहक होते.