जेनेलियाच्या लग्नातील नऊवारीवर होतं सोन्याचे वर्क, किंमत होती इतके लाख रुपये

रितेश आणि जेनेलिया हे कपल प्रेम विवाहासाठी सर्वात उत्तम उदाहरण आहे. या दोघांनीही एकमेकांच्या कुटुंबीयांचा, परंपरांचा आणि प्रथांचा मान ठेवून महाराष्ट्रीय आणि ख्रिश्चन पद्धतीनुसार लग्न केलं. दोघांनी सुरुवातीला महाराष्ट्रीयन पद्धतीनं लग्नगाठ बांधली आणि नंतर ख्रिश्चन वेडिंग देखील केलं. हा निर्णय घेऊन दोघांनी आपल्या कुटुंबीयांचंही मन राखले. आज आम्ही आपल्याला त्यांच्या लग्नातील काही फोटो दाखवणार आहोत. लग्नातील त्यांचा पोषाख, मेकअप लुक चाहत्यांना भरपूर आवडला होता.

(ऐश्वर्या राय बच्चनला या कारणामुळे बदलावे लागले आपले ४५ लाखांचे मंगळसूत्र)

प्री वेडिंगपासून ते लग्नसोहळ्यासाठी या कपलनं शांतनु आणि निखिल, मनीष मल्होत्रा आणि रितु कुमार या सुप्रसिद्ध डिझाइनर्सकडून कपडे डिझाइन करून घेतले होते. मुंबईतील प्रसिद्ध ताज लँड हॉटेलमध्ये मेहंदी आणि संगीत सोहळा पार पडला होता. ३१ जानेवारी २०१२ रोजी झालेल्या संगीताच्या कार्यक्रमामध्ये जेनेलियानं पांढरा आणि गुलाबी रंगाचा एक सुंदर कस्टम लेहंगा परिधान केला होता. सुंदर लेहंगा मनीष मल्होत्राने डिझाइन केला होता.

(बिग बींच्या लेकीनं २२ वर्षांपूर्वी परिधान केला होता हा खास लेहंगा, पाहा फोटो)

निटेड स्लीव्स असणाऱ्या या लेहंग्यामध्ये हँडमेड जरी वर्क एम्ब्रोयडरी करण्यात आली होती. या लेहंग्याच्या नेकलाइनवर असलेल्या गुलाबी टोनमुळे हा पोषाख अतिशय सुंदर दिसत होता. हातावर मेहंदी, कमीत कमी मेकअपमुळे जेनेलियाला परफेक्ट लुक मिळाला होता. तर रितेश देशमुखनं निळा आणि पांढऱ्या रंगाचं कॉम्बिनेशन असणारा शेरवानी सूट परिधान केला होता.

(नीता अंबानींनी लाडक्या सूनेला लग्नामध्ये दिलं होतं जगातलं सर्वात महागडं गिफ्ट)

महाराष्ट्रीयन पद्धतीनं केलेल्या लग्नामध्ये जेनेलियानं नऊवारी साडी नेसली होती. तर रितेश देशमुखने महाराष्ट्रीयन कुर्ता-पायजमा परिधान केला होता. दोघांचाही लुक अतिशय रॉयल दिसत होता. जेनेलियाच्या संपूर्ण लुकबाबत सांगायचे झाले तर तिनं ही नऊवारी साडी प्रसिद्ध डिझाइनर नीता लुल्लाकडून डिझाइन करून घेतली होती. या साडीची किंमत जवळपास १७ लाख रुपये एवढी होती. नववधूचा पारंपरिक श्रृंगार लक्षात ठेवूनच ही साडी डिझाइन करण्यात आली होती.

(किम जोंग उन यांच्या बहिणीलाही सूट नाही, कपड्यांवर आहेत ‘हे’ निर्बंध)

लाल आणि सोनेरी रंगाचे वर्क असणाऱ्या या साडीमध्ये सोन्याच्या तारांचा वापर करण्यात आला होता. या साडीची बॉर्डर सोने -कुंदन थ्रेडवर्कनं सजवण्यात आली होती. या साडीमध्ये जेनेलिया अतिशय सुंदर आणि मोहक दिसत होती.

(करीना कपूरनं नणंदेच्या कार्यक्रमात परिधान केला बोल्ड ड्रेस,लोकांच्या रागाचा पारा चढला)

महाराष्ट्रीयन पद्धतीनं लग्न केल्यानंतर या दोघांनी मुंबईतील वांद्रे येथील सेंटअ‍ॅनी रोमन कॅथलिक चर्चमध्ये ख्रिश्चन वेडिंग केलं. यादरम्यान जेनेलियाने निखिल आणि शांतनुनं डिझाइन केलेला गाउन परिधान केला होता. व्ही शेप नेकलाइन असणाऱ्या गाउनला पुढील बाजूनं सुंदर डिझाइन देण्यात आली होती. रितेशने एक पारंपरिक काळ्या रंगाचे सूट पँट परिधान केला होता. ज्यामध्ये तो अतिशय हँडसम दिसत होता.

(सब्यसाची मुखर्जींनी स्वतःसोबत केलं होतं असं काही तरी विचित्र, आईनं मारलं थोबाडीत)

या दोघांच्या रिसेप्शन पार्टीमध्ये बॉलिवूडकरांनी हजेरी लावली होती. जेनेलिया रिसेप्शन लुकमध्ये आकर्षक दिसत होती. रितु कुमारनं डिझाइन केलेला डार्क पीच लेहंग्यामध्ये ही नववधू ग्लॅमरस दिसत होती. तर रितेश काळ्या रंगाच्या गळाबंद शेरवानीमध्ये हँडसम दिसत होता. एकूणच या दोघांच्या प्री वेडिंगपासून ते रिसेप्शनपर्यंतचे सर्व लुक त्यांच्या प्रचंड आवडले होते.

(एकेकाळी घरभाडे देण्यासाठी पैसे नव्हते, आज आहे ८०० कोटींची मालकीण)