होळीचा स्टायलिश अवतार

प्राची आंधळकर, कॉलेज क्लब रिपोर्टर
पांढरा रंग हवाच!
रंगपंचमीसाठी खास पांढऱ्या रंगाचा शर्ट, कुर्ता, पायजमा याची मागणी जास्त असते. पांढऱ्या रंगांवर उडालेले वेगवेगळे रंग दिसायला खूप सुंदर दिसतात. नवीन शर्टावर उडालेल्या या रंगांमुळे कपड्यांना ओम्ब्रे शेड येतो. होळीनंतर ही हा शर्ट घालू शकतो. यामुळे तुमची अशी वेगळी स्टाइल स्टेंटमेंट बनेल.
ट्रेंडी मिरर ग्लासेस
होळीसाठी मिरर ग्लासेसचे खूप भन्नाट शेड्स मार्केटमध्ये उपलब्ध आहेत. होळीसाठी मिरर ग्लासेस घालून हटके स्टाइल करता येईल. वेगवेगळ्या रंगातील मिरर ग्लासेस ही तुम्ही ट्राय करु शकता.
टर्बन बेल्ट
होळीनिमित्त डोक्याला बांधायला टर्बन स्कार्फ बांधल्यास तुम्हाला एक कूल लुक मिळेल. मार्केटमध्ये विविध रंग छटांमध्ये हे बेल्टस आलेत. रंगपंचमीला टर्बन बेल्ट लावून केसांना ही रंगांपासून वाचवता येईल. टर्बनसोबत फुलांचा टियारा लावल्यास ते फॅशनेबल ठरेल.
विविध रंगी हायलाइट्स
केसांनासुद्धा वेगवेगळ्या रंगानी हायलाइट्स करून एक भन्नाट स्टाइल करता येईल. तुम्ही गुलाबी, निळ्या, लाल रंगाचे हायलाइट्स लावू शकता. गॅलेक्सी शेडचे हायलाइट्स सध्या फॅशनमध्ये आहेत. हे मल्टी शेड्सचे हायलाइट्स केसांना खूप छान दिसतात.
मेटॅलिक टॅटू
टॅटू शिवाय होळी अधूरीच असते. म्हणून मेटॅलिक टॅटूचा वापर करून होळी अजून ग्लॅमरस करू शकता. मेटॅलिक टॅटूमध्ये चंदेरी आणि सोनेरी रंगाचे टॅटू फेस्टिव्हल लूकसाठी उठून दिसतील.होळीसाठी या स्टाइल फॉलो करून तुम्ही हटके लूक मिळवू शकता. कुलाबा कॉजवे, इर्ला मार्केट, वांद्रे मार्केट येथे या सर्व गोष्टी विविध रंगांमध्ये आणि अनेक डिझाइन्समध्ये तुम्हाला मिळतील.