Maharashtrachi Hasyajatra Fame Vanita Kharat Shared Bold Photos With Would Be Husband See The Fashion Photos
ओठांचे मग चुंबन…वनितामुळे पुन्हा एकदा इंटरनेटचा पारा गेला वर, खऱ्या आयुष्यात आहे अत्यंत स्टायलिश
Authored byदिपाली नाफडे | महाराष्ट्र टाइम्स.कॉम23 Jan 2023, 11:36 am
‘महाराष्ट्राची हास्यजत्रा’या कार्यक्रमातून घराघरात वनिता खरात पोहचली. मध्यंतरी न्यूड फोटो शूटमुळे वनितावर अनेकांनी टीका केली होती. मात्र त्या टीकेला सणसणीत उत्तर वनिताने आपल्या कामातून दिले. आता पुन्हा एकदा आपल्या होणाऱ्या नवऱ्यासह वनिताने अत्यंत सुंदर फोटो शेअर केले आहेत. वनिताने काही महिन्यांपूर्वीच आपल्या आयुष्यातील खऱ्या जोडीदाराची ओळख सोशल मीडियावर करून दिली होती. तर आता त्याच्यासह तिने केलेले फोटोशूटही व्हायरल होत आहे. पण हीच वनिता खऱ्या आयुष्यात मात्र प्रचंड स्टायलिश आहे. पाहूया तिची स्टाईल. (फोटो सौजन्य - @vanitakharat19 Instagram)
मिडी आणि जॅकेट
वनिता खऱ्या आयुष्यात अत्यंत स्टायलिश आहे. तिने घातलेला काळा मिडी आणि त्यावरील फ्लोरल जॅकेट हे अत्यंत स्टायलिश असून तुम्ही कोणत्याही पार्टीसाठी याचा उपयोग करून घेऊ शकता. यावर वनिता आपल्या केसांना कुरळे केले आहे आणि लुक पूर्ण केला आहे. यावर मॅट मेकअप करून लुकला फिनिशिंग दिले आहे. तुम्ही असा कॉर्पोरेट लुकही करू शकता.
ही गुलाबी हवा
गुलाबी साडी आणि त्यावर हिरव्या रंगाचा डिझाईनर ब्लाऊज घालून पक्का मराठमोळा लुक या फोटोत वनिताने केला आहे. त्यावर मोत्यांची नथ घालून मराठमोळा ठसकाही दिसून येतो. केस मोकळे सोडत तिने या साडीतील लुक पूर्ण केला आहे.कोणत्याही कार्यक्रमासाठी तुम्हा असा साडीचा लुक करू शकता. यासह दागिन्यांचा भपका न घालता केवळ कानातले घालूनही लुक पूर्ण होऊ शकतो. (वाचा - राधिका आणि अनंत अंबानीच्या साखरपुड्याला अवरतले बॉलीवूड, सलमान खान आणि रणवीर-दीपिकावरून हटली नाही नजर)
साडीचा वनपिस
सध्या अनेक ठिकाणी साड्यांच्या वनपिसची फॅशन दिसून येतेय. आधुनिक आणि पारंपरिकतेचा मेळ घालणारा हा ड्रेस तुम्हीदेखील तुमच्या वॉर्डरोबमध्ये समाविष्ट करून घेऊ शकता. राखाडी रंगाचा हा ड्रेस आणि त्यावर असणारी चंद्रकोर अत्यंत लक्षवेधी आहे. वनिताने यासह ऑक्सिडाईज्ड चोकर आणि नथ घालून लुक पूर्ण केला आहे. तर असा लुक गुढीपाडवा यात्रा अथवा दिवाळीसाठीही चांगला दिसू शकतो. (वाचा - आशा भोसलेंची नात जनाई भोसले आहे सौंदर्याची खाण, स्टाईलमध्ये बॉलीवूडच्या अभिनेत्रींनाही टाकते मागे)
टीशर्ट जीन्स आणि जॅकेट
कॅज्युअल लुकसाठी जीन्स, टी-शर्ट आणि जॅकेट हे सर्वात उत्तम समीकरण आहे. वनिताने यावर केसांचा पोनी बांधत हा लुक कॅरी केला आहे. घरातून घाईत निघताना हा लुक कधीच चुकीचा ठरत नाही. तसंच या लुकमध्ये प्रत्येक मुलगी ही डॅशिंगच दिसते. वनिताही या लुकमध्ये अत्यंत डॅशिंग दिसत असून तिने उत्तमरित्या कॅरी केला आहे. (वाचा - माजी मुख्यमंत्र्यांची नात करतेय आपल्या सौंदर्याने सर्वांना घायाळ, मराठमोळा चेहरा वेधतोय सर्वांचं लक्ष)
बॉडीकॉन वनपिसचा जलवा
अनेकदा प्लस साईज महिलांना बॉडीकॉन वनपिस घालण्याची इच्छा असते मात्र यात आपण वाईट दिसू असंही त्यांना वाटतं. मात्र वनिताने यामध्ये कोणतीही लाज न बाळगता उत्तमरित्या आपली फिगर फ्लाँट केली आहे. काळ्या बॉडीकॉन ड्रेसमध्ये न्यूड मेकअप आणि आत्मविश्वास यामुळे ही स्टाईल वनिताच्या शरीरावर अधिक उठावदार आणि आकर्षक दिसून येत आहे. वनिताने आपल्या मेहनतीने इंडस्ट्रीत नाव मिळवलं आहे. मात्र त्याचबरोबर आपली स्टाईलही तितकीच जपली आहे. आपल्या प्लस साईजचा इश्यू न करता अत्यंत आत्मविश्वासाने वनिता नेहमीच आपली स्टाईल कॅरी करते आणि तिचे हे वैशिष्ट्य सर्वच महिलांना प्रेरणादायी ठरते. अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक कराmaharashtratimes.com
"दिपाली नाफडे प्रिंट, टेलिव्हिजन आणि डिजीटल मीडियामधील मराठी पोर्टल्सचा १५ वर्षांचा अनुभव असून पत्रकार आणि कंटेट रायटर म्हणून कार्यरत. न्यूज आणि नॉन-न्यूज दोन्ही मीडिया क्षेत्रातील कामाचा दांडगा अनुभव असून कोणत्याही विषयावर लिखाणाची जाण ही अनुभवातून आलेली आहे आणि याशिवाय विविध विषयांसंबंधी व्हिडिओदेखील केले आहेत. मनोरंजन, फिचर स्टोरीज, लाइफस्टाईल, ब्युटी, फॅशन, आरोग्य, फूड आणि सेलिब्रेटींची मुलाखत यासंबंधी लिखाण आणि व्हिडिओ दोन्हीमध्ये पारंगत. लोकांना वाचनात गुंतवून ठेवेल आणि माहितीपूर्ण असे लेख लिहिणे यावर नेहमीच भर देण्याचा अँगल. लेख असो अथवा डिजीटल व्हिडिओ असो प्रत्येक गोष्टीत बांधिलकी जपत योग्य आणि महत्त्वपूर्ण माहिती पोहचविण्याची जबाबदारी आणि योग्य दर्जा देत काम केले आहे. टीम लीडर म्हणून जबाबदारी गेल्या ५ वर्षांपासून पेलली असून स्वतःसह टीमचा विकास कसा होईल याकडे अधिक लक्ष पुरविले आहे. व्यावसायिक कामाव्यतिरिक्त मित्रमैत्रिणींसह वेळ घालवायला आणि जेवण बनवायला आवडते."... आणखी वाचा
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.