कल्पेशराज कुबल, कॉलेज क्लब रिपोर्टर
कुणाला विराटसारखे शार्प आयब्रो हवेत तर कुणाला शाहरुखसारखी पोनी हवीय…कारण सगळ्यांना झकास ‘इम्प्रेशन’ मारायचं आहे. तरुणींबरोबरच तरुणही आपल्या दिसण्याबाबत कमालीचे जागरुक झाले असून, सलून-पार्लर्सना मोठ्या प्रमाणावर भेट देऊ लागलेत…
हेअरस्टाइल म्हटली की ती मुलींचीच असणार असं चटकन वाटतं. पण पुरुषांच्या हेअरस्टाइल्सविषयी देखील आता तेवढंच बोललं जाऊ लागलं आहे. तरुणांच्या अनेक नवनव्या हेअरस्टाइल्सची खूप चर्चा होतेय. याचं कारण म्हणजे महिलांप्रमाणे पुरुषदेखील स्वतःच्या दिसण्याकडे विशेष लक्ष देताना दिसतायत. नुकत्याच झालेल्या एका सर्वेक्षणात ही बाब ठळकपणे दिसून आली. या सर्वेक्षणातून समोर आलेल्या गोष्टींवर, आजच्या ‘आंतरराष्ट्रीय पुरुष दिना’निमित्त टाकलेली एक नजर.
या सर्वेक्षणानुसार, महिलांप्रमाणेच पुरुषदेखील वारंवार सलून, पार्लरला भेट देत असल्याचं दिसून आलं. आपलं सौंदर्य आणि व्यक्तिमत्त्व खुलून दिसावं यासाठी नेहमीच्या हेअरस्टाइलपेक्षा वेगळी हेअरस्टाइल करण्यावर पुरुषांचा भर दिसूनय येतोय. विशेष म्हणजे, ट्रेंडी हेअरस्टाइल करण्याबरोबर वॅक्स, फेशिअल, ब्लीच, पेडीक्युअर, हेअर हायलाइट, आय ब्रो केले जातायत. हा ट्रेंड विशेषतः क्रिकेटपटू, अभिनेते यांच्यात पाहायला मिळत असून, त्यामुळे तो खूप झपाट्याने व्हायरल होत चालला आहे.
कुणाला विराट कोहलीसारखे शार्प आय ब्रो आणि दाढी हवी आहे तर कुणाला शाहरुख खानसारखी पोनी ठेवायची आहे. रितेश देशमुखच्या पोनीचीही तरुणांमध्ये चलती आहे. आपल्या आवडत्या क्रिकेटर-अभिनेत्यासारख हेअरस्टाइल करण्यासाठी लहान सलूनपासून मोठ्या पंचतारांकित सुविधा असलेल्या युनिसेक्स पार्लरमध्ये स्पेशल ऑफर्स, पॅकेजेस उपलब्ध झाली असून, त्याकडे पुरुषांचा ओढा वाढत चालला आहे.
वीस दिवसांतून एकदा तरी
इंडियन ब्युटी अँड मेकअप सर्वेक्षणानुसार, पुरुष मंडळी सरासरी वीस दिवसांतून एकदा सलून आणि पार्लरला भेट देतात. मुलींप्रमाणे फेशिअल करण्याकडे मुलांचा विशेष कल आहे. पुरुष स्वतःच्या लूकवर दर महिना साधारण एक-दोन हजार रुपये खर्च करताना दिसतात. पार्लरवाल्यांची २५ टक्के कमाई ही पुरुषांकडून होतं असल्याचं सर्वेक्षणात समोर आलं आहे.
युनिसेक्स सलून्स वाढली
या बदलत्या ट्रेंडबाबत बोलताना सेलिब्रिटी हेअरस्टाइलिस्ट बंधू चव्हाण सांगतो की, 'सध्या युनिसेक्स सलोन आणि पार्लरची संख्या वाढण्याचं मुख्य कारण म्हणजे पुरुषमंडळी देखील स्वतःच्या दिसण्याकडे लक्ष देऊ लागले आहेत. पूर्वी तरुणींचंच आपल्या चेहऱ्याकडे लक्ष असायचं. आता मात्र पुरुषसुद्धा याबाबतीत जागरूक झाले आहे. अनेक जणांचे केस रूक्ष, कुरळे असतात. ती व्यक्ती केस कापून घ्यायला आल्यावर आम्ही त्याच्या केसांचा, संबंधितांच्या व्यवसायाचा, चेहऱ्याचा अभ्यास करतो. त्यानुसार केसांची रचना कशी करायची हे निश्चित करतो. तसंच अनेकांना एखाद्या अभिनेत्याप्रमाणे केस सेट करायचे असतात.' म्हणूनच पूर्वी केवळ महिलांसाठी राखीव असलेल्या बऱ्याच ब्युटी पार्लर्सचं रुपांतर आता युनिसेक्स पार्लर्समध्ये झाल्याचं दिसून येतंय.
कुणाला विराटसारखे शार्प आयब्रो हवेत तर कुणाला शाहरुखसारखी पोनी हवीय…कारण सगळ्यांना झकास ‘इम्प्रेशन’ मारायचं आहे. तरुणींबरोबरच तरुणही आपल्या दिसण्याबाबत कमालीचे जागरुक झाले असून, सलून-पार्लर्सना मोठ्या प्रमाणावर भेट देऊ लागलेत…
हेअरस्टाइल म्हटली की ती मुलींचीच असणार असं चटकन वाटतं. पण पुरुषांच्या हेअरस्टाइल्सविषयी देखील आता तेवढंच बोललं जाऊ लागलं आहे. तरुणांच्या अनेक नवनव्या हेअरस्टाइल्सची खूप चर्चा होतेय. याचं कारण म्हणजे महिलांप्रमाणे पुरुषदेखील स्वतःच्या दिसण्याकडे विशेष लक्ष देताना दिसतायत. नुकत्याच झालेल्या एका सर्वेक्षणात ही बाब ठळकपणे दिसून आली. या सर्वेक्षणातून समोर आलेल्या गोष्टींवर, आजच्या ‘आंतरराष्ट्रीय पुरुष दिना’निमित्त टाकलेली एक नजर.
या सर्वेक्षणानुसार, महिलांप्रमाणेच पुरुषदेखील वारंवार सलून, पार्लरला भेट देत असल्याचं दिसून आलं. आपलं सौंदर्य आणि व्यक्तिमत्त्व खुलून दिसावं यासाठी नेहमीच्या हेअरस्टाइलपेक्षा वेगळी हेअरस्टाइल करण्यावर पुरुषांचा भर दिसूनय येतोय. विशेष म्हणजे, ट्रेंडी हेअरस्टाइल करण्याबरोबर वॅक्स, फेशिअल, ब्लीच, पेडीक्युअर, हेअर हायलाइट, आय ब्रो केले जातायत. हा ट्रेंड विशेषतः क्रिकेटपटू, अभिनेते यांच्यात पाहायला मिळत असून, त्यामुळे तो खूप झपाट्याने व्हायरल होत चालला आहे.
कुणाला विराट कोहलीसारखे शार्प आय ब्रो आणि दाढी हवी आहे तर कुणाला शाहरुख खानसारखी पोनी ठेवायची आहे. रितेश देशमुखच्या पोनीचीही तरुणांमध्ये चलती आहे. आपल्या आवडत्या क्रिकेटर-अभिनेत्यासारख हेअरस्टाइल करण्यासाठी लहान सलूनपासून मोठ्या पंचतारांकित सुविधा असलेल्या युनिसेक्स पार्लरमध्ये स्पेशल ऑफर्स, पॅकेजेस उपलब्ध झाली असून, त्याकडे पुरुषांचा ओढा वाढत चालला आहे.
वीस दिवसांतून एकदा तरी
इंडियन ब्युटी अँड मेकअप सर्वेक्षणानुसार, पुरुष मंडळी सरासरी वीस दिवसांतून एकदा सलून आणि पार्लरला भेट देतात. मुलींप्रमाणे फेशिअल करण्याकडे मुलांचा विशेष कल आहे. पुरुष स्वतःच्या लूकवर दर महिना साधारण एक-दोन हजार रुपये खर्च करताना दिसतात. पार्लरवाल्यांची २५ टक्के कमाई ही पुरुषांकडून होतं असल्याचं सर्वेक्षणात समोर आलं आहे.
युनिसेक्स सलून्स वाढली
या बदलत्या ट्रेंडबाबत बोलताना सेलिब्रिटी हेअरस्टाइलिस्ट बंधू चव्हाण सांगतो की, 'सध्या युनिसेक्स सलोन आणि पार्लरची संख्या वाढण्याचं मुख्य कारण म्हणजे पुरुषमंडळी देखील स्वतःच्या दिसण्याकडे लक्ष देऊ लागले आहेत. पूर्वी तरुणींचंच आपल्या चेहऱ्याकडे लक्ष असायचं. आता मात्र पुरुषसुद्धा याबाबतीत जागरूक झाले आहे. अनेक जणांचे केस रूक्ष, कुरळे असतात. ती व्यक्ती केस कापून घ्यायला आल्यावर आम्ही त्याच्या केसांचा, संबंधितांच्या व्यवसायाचा, चेहऱ्याचा अभ्यास करतो. त्यानुसार केसांची रचना कशी करायची हे निश्चित करतो. तसंच अनेकांना एखाद्या अभिनेत्याप्रमाणे केस सेट करायचे असतात.' म्हणूनच पूर्वी केवळ महिलांसाठी राखीव असलेल्या बऱ्याच ब्युटी पार्लर्सचं रुपांतर आता युनिसेक्स पार्लर्समध्ये झाल्याचं दिसून येतंय.