‘महाराष्ट्र टाइम्स’च्या ‘श्रावणक्वीन’नं अनेकींचा अभिनय आणि मॉडेलिंग क्षेत्रात श्रीगणेशा करून दिला आहे. गेल्या सहा वर्षातल्या या यशोगाथांमध्ये एका नावाचा विशेष उल्लेख करावा लागेल; कारण तिला या व्यासपीठामुळे करिअर आणि आवड या दोघांचा मेळ साधता आला. त्यामुळेच फिटनेस/स्पोर्ट्स मॉडेलिंगचं नवं दालनही खुलं झालं. आता ती या दोन्ही क्षेत्रांमध्ये स्वतःची वेगळी ओळख निर्माण करते आहे. या तरुणीचं नाव आहे, संयोगिता घोरपडे.
‘श्रावणक्वीन २०१६’च्या पहिल्या पाच स्पर्धकांमधील संयोगिता राष्ट्रीय स्तरावरची बॅडमिंटनपटू आहे. मात्र, जानेवारी २०१६मध्ये पायाला गंभीर दुखापत झाल्यानं ‘हैदराबाद नॅशनल कॅम्प’मधून तिला परत यावं लागलं. ही दुखापत इतकी गंभीर होती, की तीन महिने डॉक्टरांनी तिला न चालण्याचा सल्ला दिला. त्यामुळे खेळणंही वर्ष-दीड वर्ष पुढं ढकललं गेलं. दुखापत झाल्यापेक्षा आपल्याला आता खेळता येणार नाही, ही खंत तिला सतत बोचत होती. त्यामुळे वर्षभराच्या कालावधीत मनात दडलेलं फॅशनप्रेम, मॉडेलिंगची इच्छा पूर्ण करण्यासाठी तिला ‘श्रावणक्वीन’चा रॅम्प मिळाला आणि या संधीचं सोनं करत तिनं अंतिम फेरीत ‘टॉप ५’मध्ये प्रवेश मिळवला. या स्पर्धेनंतर आपल्याला फिटनेस मॉडेलिंगच्या खूप संधी मिळाल्याचं सांगत ती आनंद व्यक्त करते.
आता संयोगिताची पायाची दुखापत पूर्ण बरी झाली आहे. तिनं बॅडमिंटन खेळणं पुन्हा सुरू केलंय. बरोबरीनं सरावातून वेळ होईल तशी ती मॉडेलिंगची संधीही साधते. फेब्रुवारीत होणाऱ्या पटना नॅशनल्ससाठी संयोगिताला वाइल्ड कार्ड एंट्री मिळाली आहे. यासाठी सध्या तिची जोरदार तयारी सुरू असून, यासाठी तिला बालेवाडी इथं निखिल कानेटकर मार्गदर्शन करत आहेत. दुखापत होण्यापूर्वीही संयोगितानं राज्य, देश आणि आंतरराष्ट्रीय पातळीवर बॅडमिंटनच्या स्पर्धा गाजवल्या आहेत. हा परफॉर्मन्स पाहूनच तिला पटना नॅशनल्ससाठी निवडण्यात आलंय. याव्यतिरिक्त सिंगापूर आणि जपानच्या बड्या स्पोर्ट अॅक्सेसरी ब्रँडनं तिला प्रायोजकत्व दिलं आहे.
‘मॉडेलिंगची क्रेझ मला लहानपणापासूनच होती. मला फोटोंचं इतकं वेड होतं, की दुसरं कुणी फोटो काढत असेल, तर मी त्यांच्यात घुसून बिनधास्त पोझ द्यायचे. त्यामुळे या ग्लॅमरच्या दुनियेत जाण्याची माझी खूप इच्छा होती. मात्र, बॅडमिंटनच्या आग्रहामुळे मी यापासून दूरच राहिले. अखेर ‘महाराष्ट्र टाइम्स’च्या निमित्तानं मनात दडलेलं स्वप्न पूर्ण करता आलं. या व्यासपीठामुळे मला फिटनेस मॉडेल अशी नवी ओळख मिळाली आहे,’ असं संयोगिता सांगते.
संयोगितानं एका प्रसिद्ध फिटनेस मॅगझिनसाठी नुकतंच फोटोशूट केलं असून, त्याच्या कव्हरवर झळकण्याचा मान तिला मिळाला होता. जिम फिटनेस शूटसाठीही ती काम करते. फॅशन शोचं परीक्षण करायलाही तिला मध्यंतरी निमंत्रित करण्यात आलं होतं. मॉडेलिंगवर विशेष प्रेम असलं, तरी बॅडमिंटनचाच ध्यास असल्याचं मात्र ती आवर्जून सांगते.
‘श्रावणक्वीन २०१६’च्या पहिल्या पाच स्पर्धकांमधील संयोगिता राष्ट्रीय स्तरावरची बॅडमिंटनपटू आहे. मात्र, जानेवारी २०१६मध्ये पायाला गंभीर दुखापत झाल्यानं ‘हैदराबाद नॅशनल कॅम्प’मधून तिला परत यावं लागलं. ही दुखापत इतकी गंभीर होती, की तीन महिने डॉक्टरांनी तिला न चालण्याचा सल्ला दिला. त्यामुळे खेळणंही वर्ष-दीड वर्ष पुढं ढकललं गेलं. दुखापत झाल्यापेक्षा आपल्याला आता खेळता येणार नाही, ही खंत तिला सतत बोचत होती. त्यामुळे वर्षभराच्या कालावधीत मनात दडलेलं फॅशनप्रेम, मॉडेलिंगची इच्छा पूर्ण करण्यासाठी तिला ‘श्रावणक्वीन’चा रॅम्प मिळाला आणि या संधीचं सोनं करत तिनं अंतिम फेरीत ‘टॉप ५’मध्ये प्रवेश मिळवला. या स्पर्धेनंतर आपल्याला फिटनेस मॉडेलिंगच्या खूप संधी मिळाल्याचं सांगत ती आनंद व्यक्त करते.
आता संयोगिताची पायाची दुखापत पूर्ण बरी झाली आहे. तिनं बॅडमिंटन खेळणं पुन्हा सुरू केलंय. बरोबरीनं सरावातून वेळ होईल तशी ती मॉडेलिंगची संधीही साधते. फेब्रुवारीत होणाऱ्या पटना नॅशनल्ससाठी संयोगिताला वाइल्ड कार्ड एंट्री मिळाली आहे. यासाठी सध्या तिची जोरदार तयारी सुरू असून, यासाठी तिला बालेवाडी इथं निखिल कानेटकर मार्गदर्शन करत आहेत. दुखापत होण्यापूर्वीही संयोगितानं राज्य, देश आणि आंतरराष्ट्रीय पातळीवर बॅडमिंटनच्या स्पर्धा गाजवल्या आहेत. हा परफॉर्मन्स पाहूनच तिला पटना नॅशनल्ससाठी निवडण्यात आलंय. याव्यतिरिक्त सिंगापूर आणि जपानच्या बड्या स्पोर्ट अॅक्सेसरी ब्रँडनं तिला प्रायोजकत्व दिलं आहे.
‘मॉडेलिंगची क्रेझ मला लहानपणापासूनच होती. मला फोटोंचं इतकं वेड होतं, की दुसरं कुणी फोटो काढत असेल, तर मी त्यांच्यात घुसून बिनधास्त पोझ द्यायचे. त्यामुळे या ग्लॅमरच्या दुनियेत जाण्याची माझी खूप इच्छा होती. मात्र, बॅडमिंटनच्या आग्रहामुळे मी यापासून दूरच राहिले. अखेर ‘महाराष्ट्र टाइम्स’च्या निमित्तानं मनात दडलेलं स्वप्न पूर्ण करता आलं. या व्यासपीठामुळे मला फिटनेस मॉडेल अशी नवी ओळख मिळाली आहे,’ असं संयोगिता सांगते.
संयोगितानं एका प्रसिद्ध फिटनेस मॅगझिनसाठी नुकतंच फोटोशूट केलं असून, त्याच्या कव्हरवर झळकण्याचा मान तिला मिळाला होता. जिम फिटनेस शूटसाठीही ती काम करते. फॅशन शोचं परीक्षण करायलाही तिला मध्यंतरी निमंत्रित करण्यात आलं होतं. मॉडेलिंगवर विशेष प्रेम असलं, तरी बॅडमिंटनचाच ध्यास असल्याचं मात्र ती आवर्जून सांगते.