अशा लोकांनी हेल्दी फूड निवडावे, जे मूड आणि मानसिक आरोग्य सुधारण्यासोबतच नैराश्यापासून मुक्त करून तुम्हाला पूर्णपणे निरोगी ठेवू शकतात. मुंबईच्या मसीना हॉस्पिटलच्या क्लीनिकल डाएटिशियन अनम गोलांदाज अशा लोकांना दररोज काही आरोग्यदायी गोष्टी खाण्याचा सल्ला देतात, ज्यामुळे तुमचा मौल्यवान वेळ वाया न घालवता तुम्ही निरोगी राहाल. त्यांच्या मते, हे फक्त निरोगी शरीरासाठीच नाही तर एनर्जी लेव्हल वाढवण्यासाठीही लाभदायक आहे.
दिवसातून 5 वेळा खा
हेल्थ बिफोर वेल्थच्या संस्थापक आणि पोषणतज्ञ सपना जयसिंग पटेल म्हणतात की, “आपल्या सर्वांना माहित आहे की फळे आणि भाज्या पोषक तत्वांनी परिपूर्ण असतात. व्हिटॅमिन्स, मिनरल्स आणि फायबर देखील त्यामध्ये खूप चांगल्या प्रमाणात आढळतात. दिवसातून कमीत कमी 5 वेळा किंवा 5 भागांत खाण्याचे लक्ष्य ठेवा. 1 सर्व्हिंग अर्धा कप शिजवलेले किंवा कच्ची फळे किंवा भाज्या किंवा 1 कप पालेभाज्यांच्या बरोबरीचे असते. मणिपाल हॉस्पिटलची डाएटिशियन डॉ. वैशाली वर्मा तुमच्या रोजच्या आहारात २ ते ३ फळे खाण्याची शिफारस करतात. जे फक्त पचनासाठीच नाही तर त्वचेसाठीही खूप फायदेशीर आहे.
डाळ खाणं गरजेचं आहे
डॉ. वर्मा यांच्या मते, डाळी, शेंगा यांचे दोन ते तीन भाग सेवन केल्याने शरीरातील प्रथिने (protein), जीवनसत्त्वे (vitamins), खनिजे (minerals) यांची कमतरता पूर्ण होण्यास मदत होते. आम्ही तुम्हाला सांगू की प्रोटिन आपल्या शरीराची एकूण ताकद वाढवण्यात आणि शरीर आतून दुरुस्त व निरोही ठेवण्यात मुख्य भूमिका बजावते.
बाजरी, नाचणी आणि ज्वारीपासून बनवलेल्या भाक-या खा
आपल्या दैनंदिन आहारात तांदूळ, नाचणी, ज्वारी, बाजरी, गहू या तृणधान्यांना खूप महत्त्व देण्यात आले आहे, असे डॉ. वर्मा सांगतात. पण ते रोज माफक प्रमाणात खाल्लेच पाहिजे. चांगली गोष्ट अशी आहे की हे सर्व ग्लूटेन फ्री घटक आहेत आणि फायबर व अँटिऑक्सिडंट्सने भरलेले आहेत ज्यामुळे आरोग्यासाठी ते पाचपट हेल्दी आहेत.
छोट्यामोठ्या भूकेसाठी हेल्दी स्नॅक्स
जे लोक दिवसभर व्यस्त असतात त्यांनी हेल्दी स्नॅक्स जसे की भोपळा आणि सूर्यफुलाच्या बिया, नट्स, फळे, कमी साखर, प्रोटीन बार, ग्रॅनोला, मोड आलेले मूग, भाजलेले चणे खावेत. हे सर्व पदार्थ प्रोटिनने समृद्ध असण्यासोबतच ते तुमच्या आरोग्यासाठीही खूप फायदेशीर आहेत. तज्ञांच्या मते, योग्य स्नॅकिंग पर्याय अनेक आरोग्याच्या समस्यांपासून बचाव करतोच शिवाय वेटलॉससाठी देखील हा एक चांगला पर्याय आहे.
सीड्स आणि नट्स
सीड्स आणि नट्स त्वरित ऊर्जा देतात. डॉ. वर्मा दररोज ४ ते ५ भिजवलेले बदाम आणि दोन अक्रोड खाण्याचा सल्ला देतात. त्यांच्या मते बदाम खराब कोलेस्ट्रॉल कमी करण्यास मदत करतात. याशिवाय मेंदूचे कार्य सुधारण्यासोबतच स्मरणशक्ती वाढवण्यासही मदत होते. त्याचप्रमाणे बियांमध्ये प्रथिने (protein), फायबर (fiber) आणि अँटिऑक्सिडंट्स असतात, जे रक्तातील कोलेस्टेरॉलची पातळी कमी करण्यासाठी तसेच हृदयविकार आणि स्ट्रोकचा धोका कमी करण्यासाठी प्रभावी आहेत.
(वाचा :- या ५ प्रकारच्या भांड्यामध्ये जेवण करताय? शरीरासाठी अतिशय घातक; होतो विपरीत परिणाम)
पाणी अतिमहत्त्वाचे
दिवसभर हायड्रेटेड राहिल्याने एनर्जी लेव्हल कायम चांगली राहते. डॉ. वर्मा यांच्या मते, पाण्याचे चांगले सेवन केल्याने तुमचे शरीर विषमुक्त होते आणि सांध्यांना चिकटपणा मिळतो. शरीराचे तापमान नियंत्रित ठेवण्यासाठी दिवसभर भरपूर पाणी पिणे देखील आवश्यक आहे. व्यस्त लोकांना फक्त आहारातूनच पोषक तत्वांची योग्य मात्रा मिळू शकत नाही. जर तुम्ही दैनंदिन गरजा पूर्ण करण्यासाठी हेल्दी डाएट फॉलो करू शकत नसाल, तर तुम्ही तुमच्या आहारात हाय प्रोटिन आणि मल्टीव्हिटॅमिन्स सप्लिमेंट्स अवश्य समाविष्ट केली पाहिजेत.
(वाचा :- काही केल्याने कंबरेची चरबी कमी होत नाही आहे ? मग या ५ भाज्या खा, झटपट रिझल्ट मिळेल)