तारुण्य दीर्घ काळ राहू शकतं, करा 'या' योग मुद्रेचा अभ्यास

योग क्रियेमध्ये अश्विनी मुद्रा एक महत्त्वाची मुद्रा मानली जाते. ही एक अँटी ग्रॅव्हीटी क्रिया आहे ज्यात शरीरातील ऊर्जेला ऊर्ध्वगती मिळते. नपुंसकता दूर होऊन ही मुद्रा पौरुष शक्ती वाढवते असं सांगितलं जातं. या मुद्रेमुळे हृदयाला बळ मिळतं. हर्निया, मूत्रदोष, गुदद्वारासंबंधी रोग, मूळव्याध, बद्धकोष्ठता तसंच महिलांच्या विकारांमध्ये ही मुद्रा उपयोगी आहे. ही मुद्रा करत राहिल्यानं मूलाधार चक्रात असलेली कुंडलिनी शक्ती जागी होऊ लागते आणि त्या व्यक्तीचं तारुण्य दीर्घ काळ राहू शकतं.
(DIY बीटरूट फेस क्रीम, काही दिवसांत तुमच्या चेहऱ्यावर येईल ग्लो)
कशा पद्धतीने कराल?
घोडा जेव्हा मल विसर्जित करतो तेव्हा त्याचं गुदद्वार वारंवार खेचून घेतो आणि सैल सोडतो. अगदी तशाच प्रकारे गुदद्वार खेचून घेणं आणि सैल सोडून पसरवणं या क्रियेलाच अश्विनी मुद्रा असं म्हणतात. ही मुद्रा करताना, तुम्हाला आरामदायी वाटेल अशा कोणत्याही आसनात बसा. डोळे बंद करा. दोन्ही हात गुडघ्यांवर ज्ञान मुद्रेमध्ये ठेवा. श्वासोच्छ्वासाची गती सामान्य ठेवा.
(वाचा : केवळ १५ मिनिटांत स्वतःला कसं ठेवावं फिट, शिल्पा शेट्टीनं सांगितला आरोग्यमंत्र)
आता श्वास बाहेर सोडा आणि तुमचं लक्ष गुदद्वारावर केंद्रित करा. गुदद्वार वर खेचण्याचा प्रयत्न करा. त्यानंतर सैल सोडा. ही क्रिया काही वेळ करत राहा. त्यानंतर पुन्हा श्वास भरुन घ्या आणि श्वास बाहेर सोडा. त्यानंतर पुन्हा एकदा वर दिलेली क्रिया करा. ही क्रिया एका वेळी साधारणपणे शंभर वेळा केली जाऊ शकते. सुरुवातीला तज्ज्ञांचं मार्गदर्शन घ्या.
(वाचा : शिल्पा शेट्टीच्या परफेक्ट फिगरचं रहस्य, नियमित करते 'हे' आसन)
डॉ. सुरक्षित गोस्वामी, योगगुरू
yogmandiram@gmail.com