शरीराला शक्ती आणि ऊर्जा देण्यासाठी अन्नाचे सेवन खूप महत्वाचे आहे. पण फार कमी लोकांना माहित आहे की अन्नामध्ये अॅसिड आणि अल्कलाइन गुणधर्म देखील असतात. जर तुम्ही अॅसिडयुक्त अन्नपदार्थांचे जास्त प्रमाणात सेवन केले तर शरीरात आम्ल अर्थात अॅसिड तयार होऊ लागते. तुम्हाला सुद्धा हा प्रश्न कधी ना कधी पडला असेलच की शरीरात अॅसिड नेमके कसे तयार होते? तर मंडळी, अन्नाप्रमाणेच आपल्या सर्व अवयवांमध्येही अॅसिड किंवा अल्कलाइन लेव्हल असते.
जेव्हा अॅसिडयुक्त पदार्थ शरीरात प्रवेश करतात तेव्हा ते पोट, आतडे आणि मूत्रपिंडांची PH पातळी म्हणजेच अॅसिड व अल्काईन लेव्हल खराब करतात. त्यामुळे अॅसिडिटी, लघवीमध्ये जळजळ, छातीत जळजळ होणे यांसारख्या समस्या उद्भवतात. आज पण या लेखातून अशाच काही फुड्स बद्दल जाणून घेणार आहोत जे शरीरातील अॅसिडची पातळी वाढवण्यास जबाबदार असतात आणि ज्यांना अॅसिडयुक्त फुड्स म्हणून ओळखले जाते. (फोटो सौजन्य :- iStock)
कोणत्या पदार्थांमध्ये असते अॅसिड?
NCBI च्या मते, काही खाद्यपदार्थ ज्यांची pH पातळी 4.6 किंवा त्यापेक्षा कमी आहे ते अधिक अॅसिडयुक्त मानले जातात. त्यामुळे या पदार्थांचे सेवन थांबवावे किंवा त्यावर नियंत्रण ठेवणे गरजेचे आहे.
चीजसोबतच काही दुग्धजन्य पदार्थ
मासे आणि इतर सीफूड
हाय सोडियम असलेले प्रक्रिया केलेले पदार्थ
नॉन व्हेज फूड्स
स्टार्च फूड जसे की ब्राऊन राइस, ओट्स
सोडासारखे कार्बोनेटेड ड्रिंक
हाय प्रोटीन फूड्स आणि सप्लीमेंट्स
यांचा अशा पदार्थांमध्ये समावेश होतो. त्यामुळे आहारात ह्या पदार्थांचा किमान वापर करा.
NCBI वर प्रकाशित झालेल्या संशोधनात असे म्हटले आहे की, अॅसिड बनवण्यास जबाबदार असणारे अन्न जास्त प्रमाणात खाल्ल्यास शरीरातील अॅसिड वाढते आणि लघवीत जळजळ होण्यास सुरुवात होते. याव्यतिरिक्त, युरिक अॅसिडची पातळी देखील धोकादायकरित्या वाढायला सुरुवात होते आणि किडनी स्टोन अर्थात मुतखडे तयार होऊ शकतात. जर वेळीच यावर नियंत्रण मिळवले नाही तर परिस्थिती हाताबाहेर देखील जाऊ शकते. त्यामुळे शक्य तितक्या लवकर तुम्ही सावध होणे गरजेचे आहे.
अॅसिड तयार करणारे अन्नपदार्थ खाल्ल्याने रक्तातील अॅसिड देखील वाढते. अशावेळी आपले शरीर हाडांमधून कॅल्शियम शोषून घेऊन रक्ताची पीएच पातळी नियंत्रित करू लागते. पण दुसरीकडे कॅल्शियमच्या कमतरतेमुळे हाडे कमकुवत होऊन तुटण्याचा धोका असतो. अनेकांना ही गोष्टच माहित नसल्याने अशी गंभीर परिस्थिती उद्भवू शकते याची कल्पनाच नसते.
आता तुम्हालाही प्रश्न पडला असेल की मग कमी अॅसिडयुक्त पदार्थ नेमके कोणते आहेत? तर सोयाबीनसारखी सोया उत्पादने, दही आणि दूध, बटाटे, ताज्या भाज्या, फळे, शेंगा आणि कडधान्ये, ऑलिव्ह ऑईल, अव्हाकॅडो, नट्स आणि बिया इत्यादी पदार्थांचा समावेश हा कमी अॅसिडयुक्त पदार्थांमध्ये होतो. त्यामुळे तुम्ही अधिकाधिक या पदार्थांचा आहात समावेश करून शरीरातील वाढती अॅसिडची पातळी रोखू शकता.
शरीरात युरीक अॅसिडची लेव्हल वाढणे हा एक धोकादायक संकेत आहेत. याचा अर्थ असा की अनेक आरोग्य समस्या लवकरच तुम्हाला त्रास देणार आहेत. शरीरातील युरीक अॅसिडची लेव्हल कंट्रोल करणे खूप जास्त गरजेचे आहे. युरीक अॅसिड वाढल्यामुळे होणाऱ्या समस्यांपैकी एक समस्या आहे सांधेदुखी! जर यावर वेळीच तुम्हाला उपाय करता आले नाही वा नियंत्रण मिळवता आले नाही तर ही समस्या हळूहळू वाढत जाते. तुम्हालाही प्रश्न पडला असेलच की युरीक अॅसिड वाढल्याने नेमके होते काय? युरीक अॅसिडची लेव्हल जर वाढली तर केवळ सांधेदुखीच नाही तर हाडे आणि अन्य अवयवांना सुद्धा त्रास निर्माण होतो. यात ऑस्टियोपोरोसिस सारख्या समस्येचा सुद्धा समावेश आहे. युरीक अॅसिड जर वाढले तर किडनी स्टोन आणि लठ्ठपणा यांसारखे आजार सुद्धा सतावू शकतात, युरीक अॅसिडचे प्रमाण वाढण्याच्या स्थितीला हाइपरयूरिसीमिया असेही म्हणतात.
हळद ही शरीरातील युरीक एसिडच्या लेव्हलला कमी करू शकते. हळद युरीक एसिड कशी कंट्रोल करते?हळदीमध्ये करक्यूमिन नावाचा सर्वात जास्त सक्रीय घटक आढळतो. याला एक पावरफुल एंटीइंफ्लेमेटरी म्हणून ओळखले जाते. आर्थराइटिस रिसर्च एंड थेरेपीट्रस्टेड सोर्स मध्ये 2019 साली केल्या गेलेल्या पशु संशोधनानुसार, करक्यूमिन हे नुक्लेअर फॅक्टर-कप्पा बी (एनएफ-कप्पा बी) नावाच्या प्रोटीनला दाबू शकते. एनएफ-कप्पा बी अनेक इंफ्लेमेटरी डिजीजला कारणीभूत असते आणि म्हणूनच ते रोखण्यासाठी हळद कामाला येते. जाणकार सुद्धा या गोष्टीची पुष्टी करतात.
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
अॅसिडिक पदार्थांमुळे होतो डॅंड्रफ
View this post on Instagram A post shared by Gagan - Regenerative Detox Specialist (@art.of.holistic.healing)
"लेखिकेची माहिती - प्रतीक्षा सुनील मोरे एक अनुभवी पत्रकार असून त्यांना मीडिया क्षेत्राचा तब्बल 8 वर्षांचा अनुभव आहे. त्यांनी एका वृत्त वाहिनीमधून आपल्या कारकिर्दीची सुरूवात केली जेथे एक पत्रकार म्हणून खऱ्या अर्थाने त्यांची जडणघडण झाली. प्रतीक्षा यांना लाइफस्टाईल विषयांमध्ये विशेष रस असून गेल्या 3 वर्षांपासून त्या या विभागासाठी काम करत आहेत. लाईफस्टाइल पत्रकारीतेचा गाढा अभ्यास आणि त्यातील कौशल्य यामुळे त्यांनी या विषयातील एक जाणकार पत्रकार म्हणून ओळख कमावली आहे. लाईफस्टाईल विभागातील नवनवीन गोष्टी आपल्या वाचकांना समजेल अशा सहज सोप्प्या भाषेत पोहोचवण्यात त्यांचा खरा हातखंडा आहे. प्रतीक्षा यांच्याकडे असलेली गहन रिसर्च करण्याची क्षमता आणि वाचकांच्या आवडीचे विषय निवडण्याचे ज्ञान यामुळे त्या सातत्याने वाचकांपर्यंत परिपूर्ण गोष्टी पोहोचवण्यात यशस्वी ठरतात. कामाव्यतिरिक्त प्रतीक्षा यांना स्वत:साठी लिहिण्याची, प्रवास करण्याची आणि वाचनाची खूप आवड आहे. लिखाणाबद्दल त्यांना जी आसक्ती आहे त्यामुळेच त्यांच्या हातून असे प्रभावशाली लेख लिहिले जातात जे वाचकांचे लक्ष तर वेधून घेतातच पण त्यांना नवनवीन विषयांची गोडी देखील लावतात. प्रवासाची आवड असल्याने त्या नेहमीच बाहेरील जगातील विविध संस्कृती आणि लाईफस्टाईल अनुभवत असतात आणि त्याचेच प्रतिबिंब त्यांच्या लिखाणात दिसून येते."... आणखी वाचा
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.