आवळ्यामधील घटकांमुळे आपली रोगप्रतिकारकशक्ती वाढते. अन्न पचन क्रिया चांगली होते. वजन कमी करणे असो किंवा केसांच्या वाढीसाठी आवळ्याचा खूप फायदा होतो. आवळ्यामध्ये असणारे व्हिटॅमिन - सी, फायबर, मिनरल्स या गोष्टींचा फायदा आपल्या शरीराला होतो. आवळ्यामध्ये संत्र ,लिंबू या फळांपेक्षा १० पटींने जास्त व्हिटॅमिन सी असते. आवळ्याच्या या गुणधर्मांमुळे शरीरातील पेशींच्या पुनरुत्पादनास मदत होते. चला तर मग या आवळ्याचे शरीराला फायदे जाणून घेऊयात.
आवळ्याचे महत्त्व
अध्यात्मापासून आयुर्वेदापर्यंत आवळ्याचे महत्त्व सांगण्यात आले आहे. आवळ्यात असणाऱ्या गुणधर्मांमुळे आपल्या शरीराला आवश्यक ती पोषणद्रव्य मिळतात. आवळा रोज खाल्ल्याने वंध्यत्व यांसारख्या समस्यांवर मात करता येते. त्याच प्रमाणे पचन, सर्दी, खोकला सारख्या आजारांपासून आराम मिळू शकतो. या बहुगुणी अमृततुल्य आवळ्याचे आपल्या शरीराला अनेक फायदे होतात.
रोज किती आवळा खावा ?
तज्ञांच्या मते आपण संपूर्ण दिवसांमध्ये ७५ ते ९० मिलीग्रॅम आवळ्याचे म्हणजेच १ ते २ आवळ्यांचे सेवन केले पाहिजे. रोज आवळा खाल्याने आपल्या शरीराची रोगप्रतिकारशक्तीत वाढ होते. त्यामुळे आपले अनेक आजारांपासून रक्षण होते. आवळा खाल्यामुळे डोक्याच्या केसांपासून पायांच्या बोटांपर्यंत फायदा होतो.
(वाचा:- Blood Pressure : अचानक बीपी वाढलाय? सर्वात प्रथम करा ही गोष्ट; घरातच मिळेल उपाय)
केसांसाठी आवळ्यांचा वापर
आवळ्यांचा फायदा आपल्या केसांना होतो. रोज आवळा खाल्ल्याने, किंवा आवळ्याचे तेल केसांना लावल्याने , केसांना आवळ्याचे हेअर मास्क लावल्याने खूप फायदा होतो. असे केल्याने केस कापसाप्रमाणे मऊ मुलायम होतात. त्याच प्रमाणे केसांची वाढ होण्यास मदत होते. जर तुम्ही केसांना हेअर मास्क लावण्याचा विचार करत असाल तर महिन्यातून दोन वेळेस हा हेअर मास्क लावू शकता.
(वाचा :- लव्ह यू जिंदगी ! नात्यात फसवणूक झाल्यामुळे नैराश्यात आहात? मग स्वतःला या 7 गोष्टीतून करा मोटिव्हेट)
अनेक आजारांवरील औषध
आवळ्याचे अनेक फायदे आहेत. यामुळे आपले अनेक आजारांपासून रक्षण होते. चवीला तुरट असणारा आवळा जर तुम्हाला खायला आवडत नसेल तर तुम्ही आवळा कॅन्डी, किंवा आवळ्याचा मुरंबा खावू शकता. आवळ्यात असणाऱ्या व्हिटॅमिन- सीमुळे कॅन्सरसारख्या आजारापासून देखील आपण चार हात लांब राहू शकतो.
(वाचा :- उन्हाळ्यातही दुप्पट वेगाने होईल वेटलॉस, न्यट्रिशनिस्टने सांगितलेल्या ‘या’ 4 पद्धतींनी खा आंबा..!)
वजन कमी करण्यासाठी रामबाण औषध
सुंदर दिसणं कोणाला आवडत नाही. आपल्यापैकी अनेक जण वजन कमी करण्यासाठी अनेक गोष्टी करताना आपल्याला दिसतात. यासाठी आवळा हे रामबाण औषध ठरेल. आवळ्याच्या मदतीने तुम्ही तुमचे वजन आरामात कमी करु शकता.
(वाचा :- Heat Wave : चिमुकल्यांचा गरमीपासून असा करा बचाव, अगदी सोप्या टिप्स)